ଅପରାହ୍ନ ୩ଘଟିକା ସମୟରେ କାଠୁଆ ଆରେଡ଼ି ଛକଠାରୁ ମଣ୍ଡଳ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପର୍ଯ୍ୟନ୍ତ ପାଚିକା ସଂଘ ସଦସ୍ୟା ନାରାବାଜୀ କରିଯାଇଥିଲେ l ସେଠାରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିବା ସହିତ କିଛି ସମୟ ସଭା କରିଥିଲେ l ଏହା ପରେ ସେମାନେ ୧୦ ଦଫା ସମ୍ବଳିତ ଏକ ଦାବିପତ୍ର ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀଙ୍କ ଉଦେଶ୍ୟରେ ଦେଇଥିଲେ I ଏହି ବିକ୍ଷୋଭ ସଭାରେ ସଭାପତିତ୍ଵ କରିଥିଲେ ପାଚିକା ସଂଘର ପୁରୀ ଜିଲ୍ଲା ସଭାପତି ପୀତବାସ ବେହେରା । ବକ୍ତବ୍ୟ ରଖିଥିଲେ ବ୍ରହ୍ମଗିରି ବ୍ଳକ୍ ସଂପାଦିକା କାନ୍ତି ପ୍ରଧାନ, ବବିତା ରଥ, ମଞ୍ଜୁଲତା ସାହୁ , ବିଜୟଲକ୍ଷ୍ମୀ ମହାନ୍ତି , ବନ୍ଦନା ପ୍ରଧାନ, କୁନି ବେହେରା, ହୁଲ୍ଲାସ ସହାଣି , ରିତା ସାହୁ, ପ୍ରମିଳା ଦଳାଇ ପ୍ରମୁଖ । ଏହି ବିକ୍ଷୋଭ କାର୍ଯ୍ୟକ୍ରମରେ ୨୦୦ ଜଣରୁ ଉର୍ଦ୍ଧ ପାଚିକା ଯୋଗଦେଇଥିଲେ। ସରକାର ଯଦି ଏହି ଫେବୃୟାରୀ ମାସରେ ଆମ୍ଭ ଦାବି ପୂରଣ ନ କରନ୍ତି ତାହାହେଲେ ଆସନ୍ତା ମାର୍ଚ୍ଚ ୧୩ ତାରିଖଠାରୁ ସାରା ରାଜ୍ୟରେ କାମ ବନ୍ଦ ଆନ୍ଦୋଳନ କରିବାକୁ ସଂଘ ଚେତାବନୀ ଦେଇଛି ।
