ଭୁବନେଶ୍ୱର, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ୱର୍ଗତ ରାମକୃଷ୍ଣ ନନ୍ଦଙ୍କ ଜୟନ୍ତୀରେ ଶ୍ରଦ୍ଧାଂଜଳି ଜଣାଇଛନ୍ତି । ସେ ଟ୍ୱିଟ କରି କହିଛନ୍ତି ଯେ ବିଶିଷ୍ଟ ସାରସ୍ୱତ ସାଧକ ରାମକୃଷ୍ଣ ନନ୍ଦଙ୍କ ଜୟନ୍ତୀରେ ମୋର ଶ୍ରଦ୍ଧାଞ୍ଜଳି । ଶିଶୁ ସାହିତ୍ୟିକ, ଅନୁବାଦକ ଏବଂ ଜଣେ ପ୍ରଖ୍ୟାତ ସମ୍ପାଦକ ଭାବେ ତାଙ୍କ ଅବଦାନ ଅତୁଳନୀୟ । ଝୁମୁକା, ତୁଳସୀଦାସ, ବିଶ୍ୱ ପରିଚୟ ଏବଂ ‘ଆହେ ଦୟାମୟ ବିଶ୍ୱ ବିହାରୀ’ ଭଳି କାଳଜୟୀ ରଚନା ତାଙ୍କୁ ଓଡ଼ିଆ ସାହିତ୍ୟ ଜଗତରେ ସର୍ବଦା ସ୍ୱତନ୍ତ୍ର କରି ରଖିବ ।
