କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ, ପୁରୀ,
ପୁରୀ ଗାନ୍ଧୀଘାଟ ଠାରେ ସର୍ବୋଦୟ ମେଳା ଓ ଗାନ୍ଧୀ ସ୍ମୃତି ପିଠ ର ପ୍ରତିଷ୍ଠା ଦିବସ ପାଳିତ ହୋଇଯାଇଛି । ଏହି ଅବସର ରେ ସର୍ବୋଦୟ ମେଳା ପକ୍ଷରୁ ବିଭିନ୍ନ କାର୍ଯ୍ୟକ୍ରମ କରାଯାଇଥିଲା। ଗାନ୍ଧୀ ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ ପରେ ଗାନ୍ଧୀଘାଟ ସଫେଇ ସହ ସହର ରେ ଗାନ୍ଧୀ ବାର୍ତ୍ତା ପ୍ରଚାର କରାଯାଇଥିଲା ।ଏହା ପରେ ସିଂହଦ୍ବାର ସ୍ଥିତ ଗୋପବନ୍ଧୁ ଙ୍କ ପ୍ରତିମୂର୍ତ୍ତି ମାଲ୍ୟାର୍ପଣ ପରେ ସ୍ମୃତି ପିଠ ଠାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା ।ଅତିଥି ମାନେ ଗାନ୍ଧୀ ଙ୍କ ନୀତି ଓ ଆଦର୍ଶ ସମ୍ପର୍କରେ ଆଲୋଚନା କରିଥିଲେ। ସର୍ବୋଦୟ ମେଳା କମିଟି ର କାର୍ଯ୍ୟକାରୀ ସଭାପତି ଉମାବଲ୍ଲଭ ମହାପାତ୍ର ଙ୍କ ପୌରହିତ୍ୟ ରେ ଶିବପ୍ରସାଦ ମିଶ୍ର, ମନୋରଞ୍ଜନ ମହାନ୍ତି, ପ୍ରହ୍ଲାଦ ସିଂହ, କୃଷ୍ଣା ମହାନ୍ତି, ଗୌରାଙ୍ଗ ଚରଣ ପରିଡ଼ା ପ୍ରଭୃତି ଗାନ୍ଧୀ ବିଚାର ଧାରା ର ସମ୍ମାନିତ ଅତିଥି ମାନେ ଗାନ୍ଧୀ ଚିନ୍ତାଧାରା ଓ କାର୍ଯ୍ୟ ଶୈଳୀ ସଂପର୍କରେ ଆଲୋଚନା କରିଥିଲେ।ସଭାର ପ୍ରାରମ୍ଭ ରେ ଦିବଂଗତ ଗାନ୍ଧୀବାଦୀ ଙ୍କ ଉଦ୍ଦେଶ୍ୟ ରେ ନୀରବ ପ୍ରାର୍ଥନା ପରେ ଅନୁଷ୍ଠାନ ର ସମ୍ପାଦକ ଶିବପ୍ରସାଦ ମିଶ୍ର ସଂପାଦକୀୟ ବିବରଣୀ ପାଠ କରିଥିଲେ। ଏହାପରେ ଦ୍ଵିତୀୟ ଅଧିବେଶନ ରେ ସର୍ବୋଦୟ ଅନୁଷ୍ଠାନ ଓ ସେବକ ମାନେ ନିଜ ଅନୁଭୂତି ବର୍ଣ୍ଣନା କରିଥିଲେ।ଏହାପରେ ବିଭିନ୍ନ ପ୍ରଖ୍ୟାତ କବି ମାନେ ଗାନ୍ଧିଙ୍କ ଜୀବନୀ ଓ କାର୍ଯ୍ୟ ସମ୍ପର୍କିତ କବିତା ପାଠ କରିଥିଲେ |
