କନ୍ଧମାଳ- ଆଜି କନ୍ଧମାଳ ଜିଲା ଖଜୁରିପଡା ଥାନା ଅଂଚଳରେ ଫୁଲବାଣୀରୁ ଭୁବନେଶ୍ୱର ଯାଉଥିବା ଆରୟାାନ୍ସ ନାମକ ଗୋଟିଏ ଯାତ୍ରୀବାହୀ ବସ ଭିତରୁ ଖଜୁରିପଡା ଥାନା ପୋଲିସ ୫ଟି ବିଭିନ୍ନ ବ୍ୟାଗରେ ଥିବା ଗଞ୍ଜେଇ ଜବତ କରିଛି । ଏହି ଘଟଣାରେ ସମ୍ପୃକ୍ତ ଥିବା ମହିଳାଙ୍କୁ ପୋଲିସ ଅଟକ ରଖିଥିବା ଜଣାପଡିଛି । ସୁଚନା ଅନୁସାରେ ଆଜି ଫୁଲବାଣିରୁ ଭୁବନେଶ୍ୱର ଯାଉଥିବା ଆରୟାନ୍ସ ବସ (ଓଡି-ଏସ୍-୩୩୩୦)ରେ ଯାତ୍ରୀ ମାନଙ୍କ ସହିତ ଗଞ୍ଜେଇ ମଧ୍ୟ ଚାଲାଣ ହେଉଥିବା ନେଇ ଖଜୁରିପଡା ଥାନା ଅଧିକାରୀ ରମାକାନ୍ତ ପାତ୍ରଙ୍କୁ ବିଶ୍ୱସ୍ଥ ସୁତ୍ରରୁ ଖବର ମିଳିଥିଲା । ସୁଚନା ପାଇବାପରେ ଥାନା ଅଧିକାରୀ ଏହି ବସଟି ଖଜୁରିପଡାରେ ପହଂଚିବାପରେ ତାକୁ ଅଟକାଇଥିଲେ । ପୋଲିସ ବସକୁ ଅଟକାଇବା ଦେଖି ବସର ଡ୍ରାଇଭର ସେଠାରୁ ଫେରାର ହୋଇଯାଇଥିଲା । ପୋଲିସ ବସର ତନଖି ନେବାପରେ ସେଥିରୁ ଗୋଟିଏ ଟ୍ରଲି ବ୍ୟାଗ୍,ଏୟାର ବ୍ୟାଗ୍ ସମେତ ବିଭିନ୍ନ ପ୍ରକାରର ୫ଟି ବ୍ୟାଗରେ ଗଞ୍ଜେଇ ପାଇଥିଲା । ଫଳରେ ସେଠାରେ ବସକୁ ଜବତ କରିବା ସହିତ ଏହି ଗଞ୍ଜେଇ ଚାଲାଣ କରୁଥିବା ସନେ୍ଦହରେ ଦୁଇଜଣ ମହିଳାଙ୍କୁ ଅଟକ ରଖିଥିବା ଜଣାପଡିଛି । ତେବେ ସେଥିରେ ଥିବା ଗଞ୍ଜେଇର ପରିମାଣ ଜଣାପଡିନାହିଁ । ଆସନ୍ତାକାଲି ଏହି ବାବଦରେ ଜଣାପଡିବ ବୋଲି ପୋଲିସ ସୁତ୍ରରୁ ଜଣାପଡିଛି । ସେଥିରେ ଥିବା ଯାତ୍ରୀମାନେ ଅଧା ବାଟରେ ଗାଡିରୁ ଓହ୍ଲାଇ ଚାଲିଚାଲି ଯିବାସହିତ ହଇରାଣ ହରକତ ହୋଇ ଥିବା ଦେଖିବାକୁ ମିଳିଥିଲା ।
