ମାଲକାନଗିରି, ପୁଣି ଏକାଠି ହେଲେ ସାରଥୀ ଭକ୍ତ, ନାଚଗୀତ ସହ କମ୍ପିଲା ଗାଁ ଦାଣ୍ଡ । ଏପରି ଏକ ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲା ମାଥିଲି ବ୍ଳକ ବରଜା ଗ୍ରାମରେ । ଜଣେ ବ୍ୟକ୍ତିଙ୍କ ପୁଅ ଜନ୍ମଦିନରେ ପାଦୁକା ଯାତ୍ରା ସହ ସତସଙ୍ଗର ଆୟୋଜନ ହୋଇଛି । ଏଥିପାଇଁ ପ୍ରଶାସନ ଠାରୁ ଅନୁମତି ମଧ୍ୟ ଅଣାଯାଇଥିବା ଜଣାଯାଇଛି ।
ଗତକାଲି ଅପରାହ୍ନରେ ପ୍ରଶାସନର ଅନୁମତି ଅନୁଯାୟୀ, ନିର୍ଦ୍ଧାରିତ ସ୍ଥାନରୁ ଶୋଭାଯାତ୍ରା ଆରମ୍ଭ କରାଯାଇଥିଲା। କୋୟା ଓ ବଣ୍ଡା ନୃତ୍ୟର ତାଳେ ତାଳେ କଳସ ଯାତ୍ରା ଅନୁଷ୍ଠିତ ହୋଇଛି । ସଂଧ୍ୟାରେ ପାଦୁକା ପୂଜା ସହ ପ୍ରବଚନ ମଧ୍ୟ ଆୟୋଜନ ହୋଇଛି । ତେବେ ଚଳିତ ଥର ରାଜ୍ୟର ସବୁ ଜିଲ୍ଲାରୁ ସାରଥୀ ଭକ୍ତ ଏହି କାର୍ଯ୍ୟକ୍ରମରେ ଯୋଗ ଦେଇଥିବା ଜଣାଯାଇଛି । ମାଲକାନଗିରି ଜିଲ୍ଲାରେ ହଜାର ହଜାର ଭକ୍ତଙ୍କ ସମାଗମରେ ଏଭଳି କାର୍ଯ୍ୟକ୍ରମ ଆୟୋଜିତ ହେବା ସମସ୍ତଙ୍କୁ ଚକିତ କରିଛି ।
