ଗଞ୍ଜାମ, ଆଜି ସକାଳେ ବ୍ରହ୍ମପୁର-ଡ଼େଙ୍ଗାପଦର ରାସ୍ତାରୁ ଅବକାରୀ ବିଭାଗ ଏକ ଅଟୋରୁ ୫୦ କେଜି ଗଞ୍ଜେଇ ଜବତ କରିଛି । ଘଟଣାରେ ଜଣକୁ ଗିରଫ କରିଛି । ଗିରଫ ଅଭିଯୁକ୍ତର ନାମ ଅଭିଜିତ ସିଂ । ତାର ଘର ଗଜପତି ଜିଲ୍ଲା ପାଣିଗଣ୍ଡା ଗ୍ରାମରେ ବୋଲି ଜଣାପଡିଛି ।
ଗଜପତିରୁ ବ୍ରହ୍ମପୁର ଗଞ୍ଜେଇ ଚାଲାଣ ହେଉଥିବା ସୂଚନା ପାଇ ଅବକାରୀ ବିଭାଗ କର୍ମଚାରୀ ମାନେ ଦିଗପହଣ୍ଡି – ବ୍ରହ୍ମପୁର ରାସ୍ତାରେ ଛକି ରହିଥିଲେ ଏବଂ ଅଟୋ ସହିତ ଗଞ୍ଜେଇକୁ ଜବତ କରିଥିଲେ । ଏ ସଂକ୍ରାନ୍ତରେ ଅବକାରୀ ବିଭାଗ ପକ୍ଷରୁ ଏକ ମାମଲା ରୁଜ୍ଜୁ ହୋଇଛି । ଗିରଫ ଅଭିଯୁକ୍ତକୁ କୋର୍ଟଚାଲାଣ କରାଯାଇଛି ।
