ଝାରସୁଗୁଡ଼ା,ଆଜି ପୂର୍ବତନ ସ୍ଵାସ୍ଥ୍ୟମନ୍ତ୍ରୀ ସ୍ଵର୍ଗତ ନବ କିଶୋର ଦାସଙ୍କ ଦ୍ଵାଦଶାହ । ଏନେଇ ଝାରସୁଗୁଡ଼ା ସରବାହାଲ ସ୍ଥିତ ସରକାରୀ ହାଇସ୍କୁଲ ପଡ଼ିଆରେ ଏକ ଶ୍ରଦ୍ଧାଞ୍ଜଳି ସଭାର ଆୟୋଜନ କରାଯାଇଥିଲା । ଏହି ଶ୍ରଦ୍ଧାଞ୍ଜଳି ସଭାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗଦେଇ ନବଙ୍କ ଫଟୋଚିତ୍ରରେ ଶ୍ରଦ୍ଧାସୁମନ ଅର୍ପଣ କରିଥିଲେ । ଏହାପରେ ଭୁବନେଶ୍ଵର ପ୍ରତ୍ୟାବର୍ତନ କରିଥିଲେ ମୁଖ୍ୟମନ୍ତ୍ରୀ ।
ଅପରାହ୍ନ ପ୍ରାୟ୧ଟା ସମୟରେ ସଭା ସ୍ଥଳରେ ପହଂଚିଥିଲେ ମୁଖ୍ୟମନ୍ତ୍ରୀ । ୧୨ଟା ୧୫ରେ ବାୟୁସେନାର ଏକ ସ୍ଵତନ୍ତ୍ର ବିମାନ ଯୋଗେ ଝାରସୁଗୁଡ଼ା ବିମାନ ବନ୍ଦରରେ ପହଂଚିଥିଲେ । ସେଠାରୁ ହେଲିକେପ୍ଟର ଯୋଗେ ଯାଇ ସଭା ସ୍ଥଳରେ ପହଂଚିଥିଲେ । ଅପରାହ୍ନ ୧ଟା ୫ରେ ସେଠାରୁ ଫେରିଥିଲେ।
ଆୟୋଜିତ ଏହି ଶ୍ରଦ୍ଧାଞ୍ଜଳି ସଭାରେ ଓଡ଼ିଶାର କୋଣ ଅନୁକୋଣରୁ ବହୁ ବିଶିଷ୍ଟ ବ୍ୟକ୍ତି ମାନେ ଯୋଗଦେଇଥିଲେ । ବହୁ ବିଧାୟକ, ସାଂସଦ ଓ ଦଳୀୟ କର୍ମୀ ଉପସ୍ଥିତ ରହିଥିଲେ ।
