ବାରିପଦା, ଶିମିଳିପାଳ ଅଭୟାରଣ୍ୟ ସୁରକ୍ଷା ଦାବିରେ ମୟୂରଭଞ୍ଜ ଜିଲ୍ଲାରେ ଭଞ୍ଜସେନା ପକ୍ଷରୁ ବିଭିନ୍ନ ସ୍ଥାନରେ ଜାତୀୟ ରାଜପଥ ଅବରୋଧ କରାଯାଇଛି । ବାରିପଦା, ବାଙ୍ଗିରିପୋଷି, ବିଶୋଇ ଓ ଠାକୁରମୁଣ୍ଡାରେ ରାସ୍ତା ଅବରୋଧ ଫଳରେ ଗାଡି ଚଳାଚଳ ଠପ୍ ହୋଇଯାଇଛି । ଆଜି ସକାଳ ୮ଟା ଠାରୁ ଭଞ୍ଜସେନାର କର୍ମୀ ମାନେ ମୟୂରଭଞ୍ଜ ଜିଲ୍ଲାର ବିଭିନ୍ନ ସ୍ଥାନରେ ରାସ୍ତାରୋକ କରିଛନ୍ତି । ଜିଲ୍ଲା ଦେଇ ଯାଇଥିବା ୧୮ ନଂ ଓ ୪୯ ନଂ ଜାତୀୟ ରାଜପଥ ଅବରୋଧ ଫଳରେ ଦୀର୍ଘ ସମୟ ଧରି ସମ୍ପୃକ୍ତ ରୁଟ୍ ରେ ଯାନବାହନ ଚଳାଚଳ ବ୍ୟାହତ ହୋଇଛି।
