ଗଞ୍ଜାମ, ବ୍ରହ୍ମପୁର ସାନ ବଜାର ସ୍ଥିତ ଏକ ନାମୀ ଗହଣା ଦୋକାନ ଅରୁନ୍ଧତୀ ଜୁଏଲର୍ସର ଆସିଷ୍ଟାଂଟ ମ୍ୟାନେଜର ସୀମାଚଂଳ ପାତ୍ରଙ୍କୁ ବଡ଼ବଜାର ଥାନା ପୋଲିସ ଗିରଫ କରି ଆଜି କୋର୍ଟଚାଲାଣ କରିଛି । ସେ ବ୍ରଜନଗର ତୃତୀୟ ଗଳିରେ ରହୁଥିବା ବେଳେ ନିଜ ପଦବୀର ଦୁରୁପଯୋଗ କରି ପ୍ରାୟ ୩ ଲକ୍ଷ ଟଙ୍କାର ସୁନାଗହଣା ଲୁଚାଇ ନେଇଯାଇଥିଲେ । ଏହାକୁ ମଣପ୍ପୁରମ ଗୋଲ୍ଡ ଲୋନରେ ବନ୍ଧକ ରଖି ଟଙ୍କା ଆଣି ଅନଲାଇନ୍ ରେ ଗେମ୍ ଖେଳିଥିବା ଅଭିଯୋଗ ହୋଇଥିଲା । ବଡ଼ବଜାର ଥାନା ପୋଲିସ ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରି ଘଟଣାର ତଦନ୍ତ ଆରମ୍ଭ କରିଥିଲା । ଅଭିଯୁକ୍ତକୁ ଗିରଫ କରିଥିବା ବେଳେ ଗହଣା ଦୋକାନରୁ ଗାଏବ୍ ହୋଇଥିବା ୫୨୩, ୨୩୦ ଗ୍ରାମ ର ସୁନାଗହଣାକୁ ମଧ୍ୟ ଜବତ କରିଛି ।
