ବଲାଙ୍ଗିର,ଅଗ୍ରଣୀ ସମାଜିକ ସାଂସ୍କୃତିକ ସଂଗଠନ ଭୂମିକା ତରଫରୁ ସ୍ଥାନୀୟ ବଲାଙ୍ଗିର ପବ୍ଲିକ ସ୍କୁଲରେ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଛି। ଏଥିରେ ବଲାଙ୍ଗିର ସହରର ବିଭିନ୍ନ ସ୍କୁଲର ୨୦୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଯୋଗଦେଇ ଚିତ୍ର ଅଙ୍କନ କରିଥିଲେ। କନିଷ୍ଠ ବିଭାଗରେ ଜଗନମୟୀ ଦାସ ପ୍ରଥମ, ପ୍ରତ୍ୟାଶା ବିଶ୍ଵାଳ ଦ୍ଵିତୀୟ ଓ ଅଭିଳାଷ ଦାସ ତୃତୀୟ ସ୍ଥାନ ଅଧିକାର କରିଥିବା ବେଳେ ବରିଷ୍ଠ ବିଭାଗରେ ମାନବ ବର୍ମା ପ୍ରଥମ, ଗୌରବ ଜଗଦଲା ଦ୍ଵିତୀୟ ଓ ସୂର୍ଯ୍ୟ ନନ୍ଦ ତୃତୀୟ ସ୍ଥାନ ଅଧିକୃତ କରିଛନ୍ତି।
କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବଲାଙ୍ଗିର ଉପଜିଲ୍ଲାପାଳ କୁମାର ନାଗଭୁଷଣ ଯୋଗଦେଇଥିବା ବେଳେ ଅନ୍ୟମାନଙ୍କ ମଧ୍ୟରେ ଭୂମିକା ସଭାପତି ଚିତ୍ତରଂଜନ ଦାଶ, ସମ୍ପାଦକ ରାଜୀବ ଲୋଚନ ଷଡ଼ଙ୍ଗୀ ପ୍ରମୁଖ ଯୋଗଦେଇ କୃତି ପ୍ରତିଯୋଗୀଙ୍କୁ ପୁରସ୍କୃତ କରିଥିଲେ। ଉଭୟ ବର୍ଗର ଶ୍ରେଷ୍ଠ ୨୦ ଛାତ୍ର ଛାତ୍ରୀଙ୍କୁ ନେଇ ଏକ କର୍ମଶାଳା ମଧ୍ୟ ଆୟୋଜନ କରାଯିବ।
ଅନ୍ୟମାନଙ୍କ ମଧ୍ୟରେ ଭୂମିକାର ବିଚାରକ ଭାବରେ ମହେନ୍ଦ୍ର ମଲ୍ଲିକ, ପ୍ରଭାସ ଷଡ଼ଙ୍ଗୀ, ରୁଦ୍ରଦେବ ପ୍ରଧାନ ଓ ଭୂମିକାର ସଦସ୍ୟ ବ୍ୟାସଦେବ ନନ୍ଦ, ମୁକେଶ ବହିଦାର, କୃଷ୍ଣ ମହାପାତ୍ର, ଶିରିଷ ହୋତା, ନୟନ ମହାନ୍ତି, ସୋମ ନାଏକ, ଶକ୍ତି ଦତ୍ତ ମିଶ୍ର, ସୋମେନ୍ଦ୍ର ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ |
