ରାଉରକେଲା, ରାଉରକେଲା ଲାଲଟାଙ୍କି ଅଂଚଳରେ ଗତକାଲି ଦୁଇ ଜଣ ଯୁବକଙ୍କୁ ପଥରରେ ଛେଚି ଏବଂ ଅନ୍ୟ ମାରଣାସ୍ତ୍ରରେ ବାରମ୍ବାର ଆକ୍ରମଣ କରି ହତ୍ୟା କରାଯିବା ଘଟଣା ଜମିବାଡ଼ି ବିବାଦକୁ ନେଇ ଘଟିଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି । ଘଟଣା ପରେ ଫେରାର୍ ଥିବା ୪ ରୁ ଅଧିକ ଅଭିଯୁକ୍ତଙ୍କୁ ଗିରଫ କରିବା ପାଇଁ ପୋଲିସ ଉଦ୍ୟମ ଚଳାଇଛି । ମୃତକ ଦ୍ଵୟ ହେଲେ ଇନ୍ଦ୍ରଜିତ ସ୍ଵାଇଁ ଓ ସଞ୍ଜୟ ଦାସ । ଟାଙ୍ଗରପାଲି ଥାନା ପୋଲିସ ଏ ସଂକ୍ରାନ୍ତରେ ଏକ ହତ୍ୟା ମାମଲା ରୁଜ୍ଜୁ କରି ଘଟଣାର ତଦନ୍ତ ଚଳାଇଛି ।
