ଗଛରେ ପିଟି ହେଲା କାର, ସ୍ୱାମୀ ମୃତ , ସ୍ତ୍ରୀ ଓ ପୁଅ ଗୁରୁତର

କନ୍ଧମାଳ – ଫୁଲବାଣୀ ନିକଟସ୍ଥ ନିଶ୍ୱାସ କଲେଜ ନିକଟରେ ଏକ ମାରୁତିକାର ଦୁର୍ଘଟଣାଗ୍ରାସ୍ତ ହେବାରୁ ସେଥିରେ ଥିବା ଚାଳକର ଘଟଣାସ୍ଥଳରେ ମୃତୁ୍ୟ ହୋଇଛି । ଗାଡିରେ ଥିବା ମହିଳା ଏବଂ ତାଙ୍କ ଛୁଆ ଅତି ଗୁରୁତର ଭାବରେ ଆହତ ହୋଇଛନ୍ତି ।
ସୂଚନା ଅନୁସାରେ ଆଜି ସକାଳ ପ୍ରାୟ ୮ଟା ସମୟରେ ଭୁବନେଶ୍ୱର ପଟରୁ ଫୁଲବାଣୀ ଆସୁଥିବା ଏକ ମାରୁତି ୮୦୦ କାରରେ ପ୍ୟାରୁ ନାୟକ ନାମକ ଜଣେ ବ୍ୟକ୍ତି କାର ଚଳାଇ ପରିବାର ସମେତ ଆସୁଥିଲେ । ଫୁଲବାଣୀଠାରୁ ମାତ୍ର ୩ କିମି ଦୁରରେ ଥିବା ନିଶ୍ୱାସ କଲେଜ ନିକଟରେ ଭାରସାମ୍ୟ ହରାଇବା ଫଳରେ କାରଟି ଏକ ଗଛରେ ପିଟି ହୋଯାଇଥିଲା । ଫଳରେ ଘଟଣା ସ୍ଥଳରେ ହିଁ ପ୍ୟାରୁଙ୍କ ମୃତୁ୍ୟ ଘଟିଥିଲା ଏବଂ ତାଙ୍କ ଛୁଆ ସମୀର ନାୟକ ଓ ସ୍ତ୍ରୀ ମଞ୍ଜୁ ନାୟକ ଗୁରୁତର ଭାବରେ ଆହତ ହୋଇଥିଲେ । ସେମାନଙ୍କୁ ପ୍ରଥମେ ଫୁଲବାଣୀ ମୁଖ୍ୟ ଚିକିସôାଳୟରେ ଭର୍ତି କରାଯାଇଥିଲା । ସେଠାରେ ସେମାନଙ୍କର ଅବସ୍ଥା ଗୁରୁତର ହେବାରୁ ସେମାନଙ୍କୁ ବ୍ରହ୍ମପୁର ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି । ଘଟଣା ସ୍ଥଳରେ ପୋଲିସ ପହଂଚି ଶବକୁ ଜବତ କରି ବ୍ୟବଛେଦ ପାଇଁ ପଠାଇବା ସହ ଏକ ମାମଲା ରୁଜ୍ଜୁ କରି ଘଟଣାର ତଦନ୍ତ ଜାରୀ ରଖିଛି ।