-
ନବ ଦାସ ହତ୍ୟା ଘଟଣା
-
ଜଣେ ପୁଲିସ ଗୁଳିକରି ମାରିବା ଆଶ୍ଚର୍ଯ୍ୟ ଲାଗୁଛି – ସୌମ୍ୟରଂଜନ ପଟ୍ଟନାୟକ
ଭୁବନେଶ୍ୱର, ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କୁ ଜଣେ ପୋଲିସ କର୍ମଚାରୀ ଗୁଳି କରି ହତ୍ୟା କରିବା ଘଟଣାରେ ଖଣ୍ଡପଡ଼ା ବିଧାୟକ ତଥା ବିଜେଡିର ବରିଷ୍ଠ ନେତା ସୌମ୍ୟରଞ୍ଜନ ପଟ୍ଟନାୟକ ପ୍ରତିକ୍ରିୟା ରଖିଛନ୍ତି ।
ଏ ସମ୍ପର୍କରେ ପ୍ରତିକ୍ରିୟା ଦେଇ ଶ୍ରୀ ପଟ୍ଟନାୟକ କହିଛନ୍ତି ଯେ, ନବ ଦାସଙ୍କୁ ପୁଲିସ ଗୁଳି କରି ମାରିବା ମୋତେ ଆଶ୍ଚର୍ଯ୍ୟ ଲାଗୁଛି । ଏହା ବିଶ୍ୱାସ ହେଉନାହିଁ । ଜଣେ କ୍ଷମତାଶାଳୀ ମନ୍ତ୍ରୀଙ୍କୁ ପୁଲିସ ଏଏସ୍ଆଇ ଗୁଳି କରିବା ଗ୍ରହଣଯୋଗ୍ୟ ନୁହେଁ । ମୋତେ ବି ପିଏସ୍ଓ ମିଳିଛି । ସେ ବି ଗୋପାଳ ଦାସ ହୋଇପାରେ । ସେଥିପାଇଁ ଡର ଲାଗୁଛି । ନବ ଦାସଙ୍କୁ ହତ୍ୟା ନେଇ ମୁଁ ବି ଆଶ୍ଚର୍ଯ୍ୟ ଓ ମ୍ରିୟମାଣ ହୋଇପଡ଼ିଛି । କାରଣ ଓଡ଼ିଶା ଜଣେ ପ୍ରଭାବଶାଳୀ ରାଜନେତାଙ୍କୁ ହରାଇଛି ।
ସେ ପୁଲିସ ଡିଜି ସୁନୀଲ ବଂଶଲଙ୍କ ସାମ୍ବାଦିକ ସମ୍ମିଳନୀ ଉପରେ ମଧ୍ୟ ମତ ରଖିଛନ୍ତି । ଯଦି ନବ ଦାସଙ୍କ ମୃତ୍ୟୁ କଥା ଜଗନ୍ନାଥ ଜାଣନ୍ତି । ତେବେ ପୁଲିସ ଡିଜି ଜଗନ୍ନାଥଙ୍କୁ ପଚାରି କିମ୍ବା ସ୍ୱପ୍ନରେ ଜାଣିବା ପରେ ଏହି ତମାମ ଘଟଣାର ସତ୍ୟାସତ୍ୟ ସର୍ବ ସମ୍ମୁଖ ଖରେ ରଖନ୍ତୁ । ପୁଲିସ ଅସଲ କାରଣ ଖୋଜି ତଥ୍ୟ ସାମ୍ନାକୁ ଆଣିବା ଦରକାର । ପୁଲିସ ଓ କ୍ରାଇମବ୍ରାଞ୍ଚ ଉପରେ ଭରସା ରଖିବାକୁ ହେବ । କାରଣ ସବୁ ପୁଲିସ ଖରାପ ନୁହଁନ୍ତି । ଏହି ଘଟଣାର ସତ୍ୟାସତ୍ୟ ଶୀଘ୍ର ସାମ୍ନାକୁ ଆସିବ । ପୁଲିସ ଯାହା ବି କରିଛି ତାହା ଏକ ଅପବାଦର ଦିଗ ।
