ଜୟପୁର, ଜୟପୁର ସ୍ଥିତ ବିକ୍ରମ ଦେବ କଲେଜ ଏହାର ୭୫ ବର୍ଷ ପୁର୍ତି ଉତ୍ସବ ପାଳନ କରୁଛି । ଆଜି ଏହି ଉତ୍ସବରେ ମୁଖ୍ୟମନ୍ତ୍ରୀ ନବିନ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେବାର କାର୍ଯ୍ୟକ୍ରମ ରହିଛି । ପୂର୍ବାହ୍ନ ୧୧ଟା ୧୫ରେ ମୁଖ୍ୟମନ୍ତ୍ରୀ ଏକ ସ୍ଵତନ୍ତ୍ର ବିମାନ ଯୋଗେ ଜୟପୁର ଏୟାର ପୋର୍ଟରେ ପହଂଚିବେ । ସେଠାରୁ ହେଲିକେପ୍ଟର ଯୋଗେ ଜୟପୁର ଦଶହରା ପଡିଆରେ ପହଂଚିବେ ଏବଂ ପରେ କାର୍ ଯୋଗେ ସଭା ସ୍ଥଳରେ ପହଂଚିବେ । ପୂର୍ବାହ୍ନ ସାଢ଼େ ୧୧ଟାରେ ସଭାସ୍ଥଳରେ ପହଂଚି ସେଠାରେ ଉପସ୍ଥିତ ଛାତ୍ରଛାତ୍ରୀ ଓ ସାଧାରଣ ଜନତାଙ୍କ ନିମନ୍ତେ ନିଜର ଅଭିଭାଷଣ ରଖିବେ । ମୁଖ୍ୟମନ୍ତ୍ରୀଙ୍କ ଗସ୍ତ ସମ୍ପୂର୍ଣ୍ଣ ସରକାରୀ କାର୍ଯ୍ୟକ୍ରମ ରହିଥିବାରୁ ଏଠାରେ କଲେଜର ଉତ୍ସବ ସହ ଉଦଘାଟନ ଓ ଭିତିପ୍ରସ୍ତର ସ୍ଥାପନ କାର୍ଯ୍ୟକ୍ରମ ମଧ୍ୟ ରହିଛି । ଜିଲାରେ ପାଖାପାଖି ୨ ହଜାର କୋଟି ଟଙ୍କାର ପ୍ରକଳ୍ପ ଉଦଘାଟନ ଓ ଭିତିପ୍ରସ୍ତର ହେବା ନେଇ କାର୍ଯ୍ୟକ୍ରମ ରହିଛି । ମୁଖ୍ୟମନ୍ତ୍ରୀଙ୍କ ଗସ୍ତ ପରେ ରାଜ୍ୟ ଓ ରାଜ୍ୟ ବାହାର କଳାକାରଙ୍କ ଦ୍ୱାରା ସାଂସ୍କୃତିକ କାଯ୍ୟକ୍ରମ ସହ ସମ୍ବର୍ଦ୍ଧନା କାର୍ଯ୍ୟକ୍ରମ ମଧ୍ୟ ରହିଛି ।
