କେନ୍ଦ୍ରାପଡ଼ା – କେନ୍ଦ୍ରାପଡା ପୈାରାଂଚଳ ଅଧିନ ଗୋପ ଗ୍ରାମରେ ଥିବା ତୁଳସୀ ମହିଳା ମହାବିଦ୍ୟାଳୟ ଉଦ୍ଭିଦ ବିଜ୍ଞାନ ବିଭାଗରେ ଛାତ୍ରୀ/ଅଭିଭାବକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷ ଡଃ. ସ୍ମୃତିରଂଜନ ବେହେରା କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ । ମହାବିଦ୍ୟାଳୟରେ ପଢୁଥିବା ଛାତ୍ରୀମାନଙ୍କ ପାଠପଢାରେ ସୁବିଧା/ଅସୁବିଧା ଓ ହଷ୍ଟେଲ୍ରେ ରହୁଥିବା ଛାତ୍ରୀମାନଙ୍କ ସମସ୍ୟାକୁ ନେଇ ଅଭିଭାବକମାନଙ୍କ ସହିତ ଆଲୋଚନା କରାଯାଇଥିଲା । ଉଦ୍ଭିଦ ବିଜ୍ଞାନର ମୁଖ୍ୟ ଅଧ୍ୟାପିକା ଜ୍ୟୋସ୍ନାମୟୀ ମନ୍ତ୍ରୀ, ଅଧ୍ୟାପିକା ରାଜେଶ୍ୱରୀ ରାଉତ, ସ୍ୱର୍ଣ୍ଣି ନମ୍ରତାମୟୀ ମହାପାତ୍ର ପ୍ରମୁଖ ନିଜ ନିଜର ମତାମତ ଉପସ୍ଥାପନ କରିଥିଲେ । ଅଧ୍ୟାପିକା ରାଉତ ଧନ୍ୟବାଦ ଅର୍ପଣ କରିଥିଲେ ।
