ଚମ୍ପୁଆ, ଚମ୍ପୁଆ ବ୍ଲକ ଅନ୍ତର୍ଗତ ଭଣ୍ଡା କେ. ବି. ସରକାରୀ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀ ହୃଦାନନ୍ଦ ମହାନ୍ତଙ୍କୁ ବିଦ୍ୟାଳୟର ଛାତ୍ରଛାତ୍ରୀ, ଶିକ୍ଷକ-ଶିକ୍ଷୟିତ୍ରୀ, ଅଭିଭାବକ ତଥା ବିଦ୍ୟାଳୟ ପରିଚାଳନା କମିଟି ତରଫରୁ ଅବସରକାଳୀନ ବିଦାୟ ସମ୍ବର୍ଦ୍ଧନା ଦିଆଯାଇଛି। ଆୟୋଜିତ ସମ୍ବର୍ଦ୍ଧନା ସମାରୋହରେ ବିଦ୍ୟାଳୟ ପରିଚାଳନା କମିଟିର ସଭାପତି ପ୍ରହଲ୍ଲାଦ ମହାନ୍ତ ସଭାପତିତ୍ବ କରିଥିବା ବେଳେ ଅତିଥି ବକ୍ତା ଭାବେ ଶିକ୍ଷକ ଦଶରଥ ମହାନ୍ତ, ଶେଖ୍ ଈଶ୍ହାକ୍, ପୂର୍ଣ୍ଣିମା ସାହୁ, ସୀମାରାଣୀ ନାୟକ, ହେମନ୍ତ ମହାନ୍ତ ପ୍ରମୁଖ ଯୋଗଦେଇ ବିଦାୟୀ ପ୍ରଧାନଶିକ୍ଷକ ଶ୍ରୀ ମହାନ୍ତଙ୍କ ସରଳତା, କର୍ତ୍ତବ୍ୟପରାୟଣ, ସମୟାନୁବର୍ତିତା,ସହଯୋଗୀଙ୍କ ପ୍ରତି ସହଯୋଗିତା ଓ ବିଦ୍ୟାଳୟ ପ୍ରତି ଉତ୍ସର୍ଗୀକୃତ ମନୋଭାବ ନେଇ କାର୍ଯ୍ୟ କରିଥିବା ଗୁଣ ତାଙ୍କର ସ୍ମରଣୀୟ ରହିବ ବୋଲି ସ୍ତୁତିଚାରଣ କରି ଅବସର ଜୀବନ ସୁଖମୟ ଏବଂ ଚଲାପଥ କୁସୁମିତ ହେଉ ବୋଲି କାମନା କରିଥିଲେ।
ବିଦାୟୀ ପ୍ରଧାନଶିକ୍ଷକ ଶ୍ରୀ ମହାନ୍ତ ଛାତ୍ରଛାତ୍ରୀ ଓ ଶିକ୍ଷକ-ଶିକ୍ଷୟିତ୍ରୀ ମାନଙ୍କୁ ସମନ୍ୱୟ ରଖି କାର୍ଯ୍ୟ କରିବାକୁ ଦିଗଦର୍ଶନ ଦେଇଥିଲେ। ଅନ୍ୟତମ ଅତିଥି ଶିକ୍ଷକ କାଶିଆ ବେହେରା, ବୈଲୋଚନ ମହାନ୍ତ, ଶିକ୍ଷୟିତ୍ରୀ ଗୀତାରାଣୀ ମହାନ୍ତ, ସାବିତ୍ରୀ ଦାସ, ଭୁବନାନନ୍ଦ ମହାନ୍ତଙ୍କ ସହିତ ଛାତ୍ରଛାତ୍ରୀ ମାନେ ସ୍ମୃତିଚାରଣ କରିଥିଲେ। ଏହି ଅବସରରେ ବିଦାୟୀ ପ୍ରଧାନଶିକ୍ଷକ ଶ୍ରୀଯୁକ୍ତ ମହାନ୍ତଙ୍କୁ ମାନପତ୍ର, ଉତ୍ତରୀୟ, ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା।
କାର୍ଯ୍ୟକ୍ରମ ରେ ଲେଖକ, ସଂଗଠକ ଡମ୍ବୁରୁ ମହାନ୍ତ, ସମାଜ ହକର୍ ବିଶ୍ଵନାଥ ମହାନ୍ତ, ରଞ୍ଜିତ ମହାନ୍ତ, ମା ମନ୍ସା ସ୍ଵଂୟ ସହାୟକ ଗୋଷ୍ଠୀର ସଦସ୍ୟା ବୃନ୍ଦ ସହିତ ଅଭିଭାବକ ଓ ବିଦ୍ୟାଳୟ ପରିଚାଳନା କମିଟି ସଦସ୍ୟ ବୃନ୍ଦ ଉପସ୍ଥିତ ରହି ସହଯୋଗ କରିବା ସହିତ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ।
