ବଲାଙ୍ଗିର,କଣ୍ଟାବାଞ୍ଜି ବିଧାୟକଙ୍କ ପୁଅଙ୍କୁ ବେଲପଡ଼ା ପୋଲିସ ଗିରଫ କରିଥିବା ଜଣାପଡିଛି । ସୂଚନା ଅନୁସାରେ, ଗତ ୩୧ ତାରିଖ ରାତ୍ର ସମୟରେ ଆଲିସାନ ସିନେମା ହଲ୍ରେ ସିନେମା ହଲ୍ ମାଲିକଙ୍କ ପୁଅ ଓ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜାଙ୍କ ପୁଅ ଅମିତ ସିଂ ସାଲୁଜାଙ୍କ ମଧ୍ୟରେ କୌଣସି କାରଣବଶତଃ ବଚସା ହୋଇଥିଲା । ପରେ ସେ ବେଲପଡ଼ା ପୋଲିସ ସହ ମଧ୍ୟ ଜୋର୍ ଯୁକ୍ତି ତର୍କ କରିଥିଲେ । ଘଟଣା ପରେ ବେଲପଡ଼ା ପୋଲିସ ଅମିତଙ୍କୁ ଗିରଫ କରି ବେଲପଡ଼ା ଥାନାକୁ ଆଣିଥିବା ଜଣାପଡିଛି । ଅନ୍ୟ ଦୁଇ ଜଣଙ୍କୁ ମଧ୍ୟ ଅଟକ ରଖିଥିବା ଜଣାପଡିଛି । ଏହି ଗିରଫ ପରେ ପୋଲିସ ଅନ୍ୟ ସ୍ଥାନରେ ଚଢ଼ଉ କରିଛି। ପୋଲିସ ବିଧାୟକଙ୍କ ପୁଅକୁ ଗତକାଲି ପାଟଣାଗଡ଼ କୋର୍ଟରେ ହାଜର କରିଛି। ତାଙ୍କ ବିରୁଦ୍ଧରେ ୨୮୪, ୩୮୪, ୫୦୬, ୩୫୩ ଓ ଆଗ୍ନେୟାସ୍ତ୍ର ଆଇନ୍ ଧାରା ରେ ମାମଲା ରୁଜୁ ହୋଇଛି l
