ମାଲକାନଗିରି,ମାଲକାନଗିରି ମହାବିଦ୍ୟାଳୟର ବାଣିଜ୍ୟ ବିଭାଗୀୟ ମୁଖ୍ୟ ଜିଲ୍ଲା ଯୁବ ରେଡକ୍ରସର ଆବାହକ ତଥା ସମ୍ପାଦକ, ଉତ୍କଳ ସମ୍ମିଳନୀ ଶାଖା ସଭାପତି ଡଃ. ରଞ୍ଜନ କୁମାର ସ୍ବାଇଁଙ୍କୁ କଟକ ଜିଲ୍ଲା ଗୋପୀନାଥପୁର ଠାରେ ମଧୁମାଟି ସାହିତ୍ୟ ସଂସଦ ତରଫରୁ ମଧୁମାଟି ଗୋପବନ୍ଧୁ ସମ୍ମାନ -୨୦୨୩ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଛି। ଏହି ଅବସରରେ ଡଃ. ରଞ୍ଜନ କୁମାର ସ୍ବାଇଁଙ୍କୁ ମାଲକାନଗିରି ମହାବିଦ୍ୟାଳୟ ତରଫରୁ ଅଧ୍ୟାପକ ଓ ଅଧ୍ୟାପିକାଙ୍କ ଗହଣରେ ଅଧ୍ୟକ୍ଷ ଅଶୋକ କୁମାର୍ ଷଢ଼ଙ୍ଗୀଙ୍କ ଦ୍ଵାରା ପୁଷ୍ପଗୁଚ୍ଛ ତଥା ଉତ୍ତରୀୟ ଦେଇ ସମ୍ମାନିତ କରାଯାଇଥିଲା। ମାଲକାନଗିରି ଜିଲ୍ଲାରେ ଡଃ. ରଞ୍ଜନ କୁମାର ସ୍ବାଇଁଙ୍କ ମାନବବାଦୀ କାର୍ଯ୍ୟକଳାପ ଗୁଡ଼ିକୁ କଟକ ଜିଲ୍ଲା ସ୍ଥିତ ଗୋପୀନାଥପୁରରେ ଆୟୋଜିତ ଏହି ବର୍ଣାଢ୍ଯ ଉତ୍ସବରେ ଭୂୟସୀ ପ୍ରଶଂସା କରାଯାଇଥିଲା। ଆଦିବାସୀ ଅଧ୍ୟୁଷିତ ଏବଂ ନକ୍ସଲ୍ ପ୍ରବଣ ମାଲକାନଗିରି ଜିଲ୍ଲାରେ ସାହିତ୍ୟର ମଧୁସଞ୍ଚାର କରିବାରେ ଡଃ. ସ୍ବାଇଁଙ୍କ ପ୍ରଚେଷ୍ଟା ମଧୁମାଟି ଉତ୍ସବରେ ତାଙ୍କ ନିମନ୍ତେ ଏବଂ ସମଗ୍ର ମାଲକାନଗିରି ଜିଲ୍ଲା ନିମନ୍ତେ ଗୌରବ ଆଣିବା ସହ ଓଡ଼ିଶା ଲୋକଙ୍କ ଦୃଷ୍ଟିଭଙ୍ଗୀ ପରିବର୍ତ୍ତନରେ ମଧ୍ୟ ସହାୟକ ହୋଇଛି।
ଏହି ଶୁଭ ପୁରସ୍କାର ନିମନ୍ତେ ମାଲକାନଗିରି ମହାବିଦ୍ୟାଳୟ, ଜିଲ୍ଲା ପ୍ରଶାସନ, ବୁଦ୍ଧିଜୀବି ମହଲ ଏବଂ କୋଣ ଅନୁକୋଣରୁ ଶୁଭେଛାର ସୁଅ ଛୁଟିଛି। ଆଶା କରାଯାଉଛି ଭବିଷ୍ୟତରେ ଡ଼ଃ। ସ୍ବାଇଁ ଏହିଭଳି ମାନବ ସେବା ତଥା ସାହିତ୍ୟ ଚେତନା ଦ୍ଵାରା ନିଜ ମହାବିଦ୍ୟାଳୟ ତଥା ସମଗ୍ର ମାଲକାନଗିରି ଜିଲ୍ଲା ନିମନ୍ତେ ସୁନାମ ଅର୍ଜନ କରିବେ।
