କନ୍ଧମାଳ, ଉତ୍ତରପ୍ରଦେଶ ବରେଲି ଠାରେ ୩୯ ତମ ଜାତୀୟ ଜୁନିଅର ତାଇକୋଣ୍ଡ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ସେଥିରେ ଓଡିଶା ରାଜ୍ୟ ଟାଇକୋଣ୍ଡ ସଂଘ ପୁରୀ ତରଫରୁ କନ୍ଧମାଳ ଜିଲ୍ଲା ଫୁଲବାଣୀର ପ୍ରଥମ ଥର ପାଇଁ ବାଳିକା ବିଭାଗରେ ଅପୂର୍ବା ଆର୍ଯ୍ୟା ଓଭର ଓଜନ କାଟାଗୋରି ୪ ଜଣଙ୍କ ସାଙ୍ଗରେ ଲଢ଼ି ସ୍ଵର୍ଣ ପଦକ ହାସଲ କରିଛନ୍ତି, ଏହା କନ୍ଧମାଳ ଜିଲ୍ଲା ପାଇଁ ଇତିହାସ ହୋଇ ରହିବ, କାରଣ ଦୀର୍ଘ ୨୨ ବର୍ଷ ଧରି ଜାତୀୟ ଟାଇକୋଣ୍ଡ ପ୍ରତିଯୋଗିତାରେ କେହି ବି ପିଲାମାନେ ସ୍ଵର୍ଣ ପାଇନଥିଲେ। ଏହି ଖବର ସମଗ୍ର ଜିଲ୍ଲାରେ ପ୍ରଚାରିତ ହେବାପରେ ଜିଲ୍ଲା ସଙ୍ଘର କ୍ରୀଡ଼ାବିତ ମାନେ ଉତ୍ସାହ ପ୍ରକାଶ କରିଛନ୍ତି ଏବଂ ଅଭିଭାବକ ମାନେ ଶୁଭେଚ୍ଛା ଜଣାଇ ଛନ୍ତି।
କନ୍ଧମାଳ ଜିଲ୍ଲା ଟାଇକୋଣ୍ଡ ସଂଘର କୋଚ ରମାକାନ୍ତ ବେହରା କୋଚ ପ୍ରତିମ ଚନ୍ଦ୍ର ପ୍ରଧାନ ଓ ମଦନ ଦଳବେହେରା ଏବଂ ଖାସ କରି ଜିଲ୍ଲା ସଂଘର ସଭାପତି ପ୍ରତାପ କୁମାର ମୁଖୀ ଓ ସମ୍ପାଦକ ପ୍ରଭାତ କୁମାର ସାହୁ ଧନ୍ୟବାଦ ସହ ଶୁଭେଚ୍ଛା ଜଣାଇଛନ୍ତି। ସର୍ବ ଶେଷରେ ରାଜ୍ୟ ଟାଇକୋଣ୍ଡ ସଂଘର ସମ୍ପାଦକ ମନମୋହନ ଭଞ୍ଜ ଧନ୍ୟବାଦ ଅର୍ପଣ କରିଥିଲେ।
