ବାରିପଦା, ମୟୂରଭଞ୍ଜ ଜିଲ୍ଲା ଶିମିଳିପାଳ ଅଭୟାରଣ୍ୟ ଉତର ଖଣ୍ଡ ଅଧିନ ତାଳବନ୍ଧ ରେଞ୍ଜ୍ ରେ ହାତୀ ଶିକାର ଘଟଣାରେ ୨ଟି ହାତୀ ଦାନ୍ତ ଜବତ କରିବା ସହ ଘଟଣାରେ ୪ ଜଣଙ୍କୁ ଗିରଫ କରାଯାଇଛି । ବିଶୋଇ ପୋଲିସ ଅଭିଯୁକ୍ତ ମାନଙ୍କୁ ଗିରଫ କରିବା ପରେ ବନ ବିଭାଗକୁ ହସ୍ତାନ୍ତର କରିଛି ।
ଜାନୁଆରୀ ୨୧ ତାରିଖ ଦିନ ଏକ ହାତୀର ଗଳିତ ମୃତଦେହ ଜବତ ହୋଇଥିଲା । ଜାନୁଆରୀ ୧୧ ତାରିଖରେ ହାତୀଟିକୁ ଶିକାର କରିବା ସହ ଏହାର ଦାନ୍ତ କାଟି ନେଇଥିଲେ ଦୁର୍ବୃତ । ଗତକାଲି ବିଶେଷ ସୂତ୍ରରୁ ଖବର ପାଇ ବିଳମ୍ବିତ ରାତିରେ ବିଶୋଇ ପୋଲିସ ରୁଗୁଡ଼ିଡିହି ଓ ତଲକାବାଡ଼ି ଗ୍ରାମରୁ ମୋଟ୍ ୪ ଜଣ ଶିକାରୀଙ୍କୁ ଗିରଫ କରିଛି । ସେମାନଙ୍କ ନିକଟରୁ ଦୁଇଟି ହାତୀ ଦାନ୍ତ ଜବତ ହୋଇଛି । ଆଜି ଗିରଫ ଅଭିଯୁକ୍ତ ମାନଙ୍କୁ କୋର୍ଟଚାଲାଣ କରାଯିବ । ବନ ବିଭାଗ ପକ୍ଷରୁ ଏନେଇ ଅଧିକ ତଦନ୍ତ ଜାରୀ ରହିଛି ।
