ମାଲକାନଗିରି – ସୀମାନ୍ତ ଛତିଶଗଡ଼ ରାଜ୍ୟ ନାରାୟଣପୁର ଜିଲ୍ଲା କେଡିନର ସ୍ଥିତ ଆଇଟିବିପି କ୍ୟାମ୍ପରେ ଦୁଇ ଗୋÂୀ ଯବାନଙ୍କ ମଧ୍ୟରେ ଗୁଳି ବିନିମୟ ଘଟି ୬ ଜଣ ଯବାନ ପ୍ରାଣ ହରାଇଥିବା ବେଳେ ଦୁଇଜଣ ଗୁରୁତର ଆହତ ହୋଇଛନ୍ତି । ତେବେ କେଉଁ କାରଣରୁ ଏମିତି ଏକ ସଂଘର୍ଷ ହେଲା, ତାହା ଜଣାପଡ଼ିନି ।
ସୂଚନା ଅନୁଯାୟୀ, କିଛି ଦିନ ହେବ ଏହି ଯବାନଙ୍କ ଦୁଇ ଗୋÂୀ ମଧ୍ୟରେ କୌଣସି କାରଣରୁ ମତାନ୍ତର ହୋଇଥିଲା । ସେହି ମତାନ୍ତର ଆଜି ଭୟଙ୍କର ରୂପ ନେଇ ଦୁଇ ଗୋÂୀ ମଧ୍ୟରେ ଗୁଳି ବିନିମୟ ହୋଇଥିବା ପୁଲିସ କହିଛି । ମୃତ ଯବାନ ମାନେ ହେଲେ ମାସଦୂର ରହମାନ ,ମହେନ୍ଦ୍ର ସିଂ , ସରଜିତ ସରକାର ,ଦଲଜିତ ସିଂ ,ବିଶ୍ୱନାଥ ମହନ୍ତ ଓ ବ୍ରିଜେଶ । ସେହିପରି ଆହତ ଯବାନ ମାନେ ରାଜସ୍ଥାନ ର ଉଲ୍ଲାସ କେରଲା ଓ ସୁଧାରମ ଡୁନ । ଅ ।ହତ ଯବାନ ଦୁଇ ଜଣକୁ ହେଲିକେପ୍ଟର ଯୋଗେ ରାଇପୁର ରାମକୃଷ୍ଣ କେୟାର ହସ୍ପିଟାଲ କୁ ପଠାଯାଇଛି । ଏପରିକି ଯେଉଁ ଯବାନ ପ୍ରଥମେ ଗୁଳି ଚଳାଇଥିଲେ, ସେ ନିଜକୁ ନିଜେ ମଧ୍ୟ ଗୁଳି କରି ଦେଇଥିଲେ ବୋଲି ନାରାୟଣପୁର ଏସପି ମୋହିତ ଗର୍ଗ ସୂଚନା ଦେଇଛନ୍ତି ।
