ଧର୍ମଶାଳା,ଯାଜପୁର ଜିଲା ଧର୍ମଶାଳା ବ୍ଲକ ପଟୁଣିଆ ପଂଚାୟତ ଉଦୟବଟ ସରକାରୀ ନୋଡାଲ ଉଚ୍ଚ ବିଦ୍ୟାଳୟର ବାର୍ଷିକ ପୁରସ୍କାର ବିତରଣୀ ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରଧାନଶିକ୍ଷକ ମୋହନ ଚରଣ ସାମଲଙ୍କ ସଭାପତିତ୍ଵରେ ଏହି ସଭା ଆୟୋଜିତ ହୋଇଥିଲା । ଏଥିରେ ମୁଖ୍ୟ ଅଥିଥି ଭାବେ ଧର୍ମଶାଳା ବ୍ଲକ ଅଧ୍ୟକ୍ଷ ପ୍ରଭାତ କୁମାର ବଳବନ୍ତରାୟ, ମୁଖ୍ୟବକ୍ତା ଭାବେ ଯାଜପୁର ଜିଲା ଶିଶୁ ସୁରକ୍ଷା ଅଧିକାରୀ ନିରଞ୍ଜନ କର, ସମ୍ମାନୀତ ଅତିଥି ଭାବେ ବରିଷ୍ଠ ସାମ୍ବାଦିକ ରମାକାନ୍ତ ଜେନା, ପରିଚାଳନା କମିଟିର ସଭାପତି କାହ୍ନୁ ଚରଣ ସାମଲ, ପଟୁଣିଆ ସରପଂଚ ବୈଶାଳୀ ରାଉତ, ସମିତିସଭ୍ୟ ଦିପ୍ତୀ ରଂଜନ ସାମଲ ଓ ସୁସାହିତ୍ୟିକ ବାମଦେବ ପାଢୀ ପ୍ରମୁଖ ଯୋଗ ଦେଇଥିଲେ । ଶିକ୍ଷକ ଅନନ୍ତ କିଶୋର ପଣ୍ଡା ଅତିଥି ପରିଚୟ, କ୍ରୀଡା ଶିକ୍ଷକ ଶ୍ୟାମସୁନ୍ଦର ରାଉତ ସ୍ଵାଗତ ଭାଷଣ ଓ ଶିକ୍ଷକ ପ୍ରସନ୍ନ କୁମାର ସାହୁ ବାର୍ଷିକ ବିବରଣୀ ପାଠ କରିଥିଲେ । ଶିଶୁଙ୍କୁ ଗଢି ତୋଳିବାରେ ଶିକ୍ଷକଙ୍କର ଗୁରୁ ଦାୟିତ୍ଵ ରହିଛି । ସେମାନେ ବହୁ ସମୟ ଘରେ ନ ରହି ବିଦ୍ୟାଳୟରେ ସମୟ କାଟିଥାନ୍ତି । ଶିକ୍ଷା ସହ ଖେଳ ଉପରେ ଗୁରୁତ୍ଵ ଦେବାକୁ ଅତିଥିମାନେ ପରାମର୍ଶ ଦେଇଥିଲେ ।
ଏହି ଅବସରରେ ବିଦ୍ୟାଳୟରେ ଆୟୋଜିତ ହୋଇଥିବା ବାର୍ଷକ କ୍ରୀଡା ଉତ୍ସବରେ ସଫଳତା ପାଇଥିବା କୃତିପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା । ଶେଷରେ ଛାତ୍ରଛାତ୍ରମାନଙ୍କ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା । ଶେଷରେ ଭାରପ୍ରାପ୍ତ ପ୍ରଧାନଶିକ୍ଷକ ଚିତ ରଂଜନ ଜେନା ଧନ୍ୟବାଦ ଅର୍ପଣ କରିଥିଲେ ।
