ନୂଆଦିଲ୍ଲୀ, ରାଷ୍ଟ୍ରପତି ଦ୍ରୌପଦୀ ମୁର୍ମୁ ବିଶିଷ୍ଟ ସ୍ୱାଧୀନତା ସଂଗ୍ରାମୀ ବୀର ସୁରେନ୍ଦ୍ର ସାଏଙ୍କ ଜୟନ୍ତୀରେ ତାଙ୍କୁ ଶ୍ରଦ୍ଧାଂଜଳି ଜଣାଇଛନ୍ତି । ସେ ଟ୍ୱିଟ କରି କହିଛନ୍ତି ଯେ – ବୀର ସୁରେନ୍ଦ୍ର ସାଏଙ୍କ ଜୟନ୍ତୀ ଅବସରରେ ତାଙ୍କୁ ମୋର ସାଦର ପ୍ରଣାମ । ତାଙ୍କ ସଂଘର୍ଷମୟ ଜୀବନ ସାହସ, ତ୍ୟାଗ ଓ ବଳିଦାନର ଏକ ଅଦ୍ଭୁତ ଉଦାହରଣ । ମୁଁ ଦେଶବାସୀଙ୍କୁ ଅନୁରୋଧ କରୁଛି, ସେମାନେ ବୀର ସୁରେନ୍ଦ୍ର ସାଏଙ୍କ ପରି ରାଷ୍ଟ୍ରନାୟକଙ୍କ ବିଷୟରେ ଜାଣନ୍ତୁ ଏବଂ ତାଙ୍କ ଜୀବନ ସଂଗ୍ରାମରୁ ପ୍ରେରଣା ଲାଭ କରନ୍ତୁ ।
