ଗଞ୍ଜାମ,ଗଞ୍ଜାମ ଜିଲ୍ଲା ଗୋଳନ୍ଥରା ଥାନା ଅନ୍ତର୍ଗତ ପଚଂମା ଗ୍ରାମରେ ଗତକାଲି ରାତିରେ ଅଗ୍ନିକାଣ୍ଡ ଘଟି ତିନୋଟି ଗୁହାଳ ଘର ପୋଡ଼ି ଯାଇଛି । ଗ୍ରାମବାସୀ ନିଆଁକୁ ଆୟତ କରିଥିବା ବେଳେ ନିଆଁରେ ପୋଡ଼ି ହୋଇ ଜଣେ ନାବାଳିକା ଗୁରୁତର ହୋଇଛନ୍ତି । ତାଙ୍କୁ ଚିକିତ୍ସା ନିମନ୍ତେ ବ୍ରହ୍ମପୁର ବଡ଼ ମେଡ଼ିକାଲରେ ଭର୍ତି କରାଯାଇଛି । ସେହିପରି ଗୁହାଳ ଘରେ ଥିବା ୬ଟି ଗାଈ ଓ ତିନୋଟି ବାଛୁରୀ ମଧ୍ୟ ପୋଡ଼ି ଗୁରୁତର ହୋଇଛନ୍ତି । କନିସି ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିବା ସହ ସମସ୍ତଙ୍କୁ ଉଦ୍ଧାର କରିଥିଲେ । ଅଗ୍ନିକାଣ୍ଡରେ ସୁଧିର ମଣ୍ଡଳ, ବନ ନାହାକ ଓ ହରିବନ୍ଧୁ ମଣ୍ଡଳଙ୍କ ଏହି ତିନୋଟି ଗୁହାଳ ଘର ପୋଡ଼ି ଯାଇଛି ।
