ବଣାଇ, ସୁନ୍ଦରଗଡ଼ କୋଳିପୋଷ ରେଞ୍ଜ୍ ଅନ୍ତର୍ଗତ ତାଳଢ଼ିପା ଗ୍ରାମରେ ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି । ସମ୍ପୃକ୍ତ ବ୍ୟକ୍ତିଙ୍କୁ ତଳେ କଚାଡ଼ି ମାରିଛି ଦନ୍ତାହାତୀ । ଗ୍ରାମର ରବି ଧିବର ଆଜି ଭୋର୍ ସମୟରେ ଘର ବାହାରକୁ ଶୌଚ ହେବାକୁ ଯାଇଥିବା ବେଳେ ହାତୀଟି ତାଙ୍କୁ ଅତର୍କିତ ଆକ୍ରମଣ କରିଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଖବର ପାଇ ଲହୁଣିପଡ଼ା ଥାନା ପୋଲିସ ଓ ରେଞ୍ଜ୍ କର୍ମଚାରୀ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛନ୍ତି । ଘଟଣା ପରେ ସ୍ଥାନୀୟ ଲୋକଙ୍କ ମଧ୍ୟରେ ଭୟର ବାତାବରଣ ଦେଖିବାକୁ ମିଳିଛି । ଏବେ ହାତୀଟି ବଣାଇ ରେଞ୍ଜ୍ ଅନ୍ତର୍ଗତ ଧରଣୀଧର ପାଲି ଜଙ୍ଗଲରେ ଥିବା ଜଣାପଡିଛି ।
