ମାଲକାନଗିରି, ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ତଣ୍ଡାପାଲି ପଞ୍ଚାୟତ ଅନ୍ତର୍ଗତ ଏମଭି -୧୬ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ୧୪ ତମ ବାର୍ଷିକ ଉତ୍ସବ ବ୍ଲକ ଶିକ୍ଷାଧିକାରୀ ଅସିତ କୁମାର ମିସ୍ତ୍ରୀଙ୍କ ଅଧକ୍ଷତାରେ ଗତକାଲି ଅନୁଷ୍ଠିତ ହୋଇଯାଇଛି। ଏହି ଅବସରରେ ମୁଖ୍ୟ ଅତିଥି ଭାବେ ମାଲକାନଗିରି ଜିଲ୍ଲା ପରିଷଦ ଅଧକ୍ଷା ସମାରି ତାଙ୍ଗୁଲୁ, ମୁଖ୍ୟବକ୍ତା ଭାବେ ପଡିଆ ବ୍ଲକ ଶିକ୍ଷାଧିକାରୀ ଅଶୋଭ ରଞ୍ଜନ ମାଲି ଓ ସମ୍ମାନୀତ ଅତିଥି ଭାବେ ଅବସରପ୍ରାପ୍ତ ଅତିରିକ୍ତ ବ୍ଲକ ଶିକ୍ଷାଧିକାରୀ ରବୀନ୍ଦ୍ର କୁମାର ମହାରାଣା, ରାଷ୍ଟ୍ରପତି ପୁରସ୍କାରପ୍ରାପ୍ତ ଅଧ୍ୟାପକ ଡଃ. ରଞ୍ଜନ କୁମାର ସ୍ଵାଇଁ, ସହକାରୀ ବ୍ଳକ ଶିକ୍ଷାଧିକାରୀ ସଞ୍ଜୟ କୁମାର ମାଲାକାର, ତଣ୍ଡାପାଲି ସରପଞ୍ଚ ସମିତା ପଡ଼ିଆମୀ, ଆଞ୍ଚଳିକ ସାଧନ ସଂଯୋଜକ ଅରବିନ୍ଦ ଜେନା, ପ୍ରଧାନ ଶିକ୍ଷକ ପ୍ରମୋଦ କୁମାର ପ୍ରଧାନ, ବ୍ଲକ ଶିକ୍ଷକ ସଂଘର ସଭାପତି ତାରକ ମଣ୍ଡଳ ମଞ୍ଚାସିନ ଥିଲେ। ଏତଦ୍ ବ୍ୟତୀତ ପଞ୍ଚାୟତର ସମସ୍ତ ଶିକ୍ଷକ ଶିକ୍ଷୟିତ୍ରୀ, ଗ୍ରାମ ଶିକ୍ଷା କମିଟିର ସମସ୍ତ ସଭ୍ୟ ସଭ୍ୟା, ମଙ୍ଗଳ କମିଟିର କର୍ମକର୍ତ୍ତା ଓ ଅଭିଭାବକ ମାନେ ଉପସ୍ଥିତ ଥିଲେ। ପ୍ରଧାନ ଶିକ୍ଷୟିତ୍ରୀ ସାଧନା ରାଣୀ ମଣ୍ଡଳ ସ୍ଵାଗତ ଭାଷଣ ଦେବାସହ ଅତିଥି ପରିଚୟ ପ୍ରଦାନ ଓ ବିଦ୍ୟାଳୟର ବାର୍ଷିକ ବିବରଣୀ ପାଠ କରିଥିଲେ। ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ଦ୍ଵାରା ସ୍ଵାଗତ ସଙ୍ଗୀତ ଓ ନୃତ୍ୟ ପରିବେଷଣ ସହ ସଚେତନତାମୂଳକ ନାଟକ ଜଙ୍ଗଲ ସୁରକ୍ଷା ଓ କରୋନା ମୁକାବିଲା ମଞ୍ଚସ୍ଥ ହୋଇଥିଲା। ଅତିଥି ମାନେ ବିଭିନ୍ନ ପ୍ରକାର ଖେଳ, ନାଚ, ଗୀତରେ କୃତକାର୍ଯ୍ୟ ହୋଇଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରିଥିଲେ।
କାର୍ଯ୍ୟକ୍ରମକୁ ସଫଳ କରିବା ପାଇଁ ଶିକ୍ଷୟତ୍ରୀ ସାବିତ୍ରୀ ଦେବନାଥ, ସଂଯୁକ୍ତା ପ୍ରଧାନ, ମଇନା ରାଣୀ ମଣ୍ଡଳ, ବିଦ୍ୟାଳୟ ପରିଚାଳନା କମିଟି ସଭାପତି ସୁଧାଂଶୁ ବଲ୍ଲଭ ଓ ଗ୍ରାମ ଯୁବଗୋଷ୍ଠି ସମ୍ପୂର୍ଣ୍ଣ ସହଯୋଗ କରିଥିଲେ। ଶେଷରେ ସହକାରୀ ଶିକ୍ଷୟିତ୍ରୀ ସାବିତ୍ରୀ ଦେବନାଥ ଧନ୍ୟବାଦ ଅର୍ପଣ କରିଥିଲେ।
