କଟକ,ନକଲି ଆକ୍ବାଗାର୍ଡ଼ ତିଆରି ଓ ବିକ୍ରୀ ଅଭିଯୋଗରେ ଆଜି କଟକ ବାଦାମବାଡ଼ି ଥାନା ଅନ୍ତର୍ଗତ ଜଗନ୍ନାଥ ଲେନ୍ ରେ ଥିବା ଏକ ଆକ୍ବାଗାର୍ଡ଼ ଗୋଦାମରେ ଚଢ଼ଉ କରିଛି ପୋଲିସ । ଚଢ଼ଉ ବେଳେ ସେଠାରୁ ବିପୁଳ ପରିମାଣର ଆକ୍ବାଗାର୍ଡ଼ ମେସିନ ଓ ନକଲି ଯନ୍ତ୍ରପାତି ଜବତ ହୋଇଛି । ଘଟଣାରେ ଏକାଧିକ ବ୍ୟକ୍ତି ଅଟକ ଥିବା ଜଣାପଡିଛି । ନକଲି ଆକ୍ବାଗାର୍ଡ଼ ଷ୍ଟିକର ଲଗାଇ ଆକ୍ବାଗାର୍ଡ଼ କମ୍ପାନୀ ନାମରେ ଏମାନେ ବିକ୍ରୀ କରୁଥିବା ଅଭିଯୋଗ ହୋଇଛି । ବାଦାମବାଡ଼ି ଥାନା ପୋଲିସ ଏନେଇ ଅଧିକ ତଦନ୍ତ ଚଳାଇଛି । ଡିସିପି ପିନାକ ମିଶ୍ରଙ୍କ ନିର୍ଦ୍ଦେଶ କ୍ରମେ ବାଦାମବାଡ଼ି ଥାନା ପୋଲିସ ଓ ସ୍ପେଶାଲ ସ୍କ୍ଵାଡ୍ ପକ୍ଷରୁ ଏହି ଚଢ଼ଉ କରାଯାଇଥିଲା ।
