କେନ୍ଦୁଝର, କେନ୍ଦୁଝର ଆନନ୍ଦପୁରର ହସନପୁର ଟୋଲଗେଟ ନିକଟ ଏକ କବାଡ଼ିଆ ଗୋଦାମ ମାଲିକଙ୍କ ଠାରୁ ବନ୍ଧୁକ ମୁନରେ ୭ ଲକ୍ଷ ଟଙ୍କା ଲୁଟି ନେଇଛନ୍ତି ଦୁର୍ବୃତ । ଏଥିସହ ତାଙ୍କ ବେକରୁ ସୁନାଚେନ୍ ଛିଣ୍ଡାଇ ନେଇଛନ୍ତି ।
ଆଜି ସକାଳ ପ୍ରାୟ ୮ଟା ସମୟରେ ଦୁଇଟି ବାଇକ୍ ରେ ୫ ଦୁର୍ବୃତ ସେଠାକୁ ଆସିଥିଲେ । ସେମାନେ ଗୋଦାମ ମାଲିକଙ୍କୁ ବନ୍ଧୁକ ଓ ଭୂଜାଲି ଦେଖାଇ ଭୟଭିତ କରିଥିଲେ । ପରେ ୭ ଲକ୍ଷ ଟଙ୍କା ଓ ସୁନା ଚେନ୍ ଓ ତିନୋଟି ମୋବାଇଲ ଲୁଟ୍ କରି ଘଟଣାସ୍ଥଳରୁ ଚମ୍ପଟ୍ ମାରିଥିଲେ । ଖବର ପାଇ ରାମଚନ୍ଦ୍ରପୁର ଥାନା ପୋଲିସ ଘଟଣାସ୍ଥଳରେ ପହଂଚି ଛାନଭିନ୍ ଚଳାଇଛି । ସେଠାରେ ଉପସ୍ଥିତ ଲୋକଙ୍କୁ ଏ ସମ୍ପର୍କରେ ପଚରା ଉଚୁରା ଚଳାଇଛି । ଆନନ୍ଦପୁର ଏସଡିପିଓ ଘଟଣାସ୍ଥଳରେ ପହଂଚି ସ୍ଥିତିର ଅନୁଧ୍ୟାନ କରିଛନ୍ତି ।
