ରାଉରକେଲା, ଆଜି ରାଉରକେଲା ସ୍ଥିତ ବିର୍ସାମୁଣ୍ଡା ଆନ୍ତର୍ଜାତିକ ହକି ଷ୍ଟାଡ଼ିୟମରେ ଖେଳାଯିବ ଚଳିତ ପୁରୁଷ ହକି ବିଶ୍ଵକପ୍ ର ୪ଟି ମ୍ୟାଚ୍ । ଏହାକୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଆଜି ଅପରାହ୍ନ ୧ଟା ସମୟରେ ଅନୁଷ୍ଠିତ ହେବାକୁ ଥିବା ମ୍ୟାଚ୍ ରେ ଅଷ୍ଟ୍ରେଲିଆ ଦକ୍ଷିଣ ଆଫ୍ରିକାକୁ ଭେଟୁଥିବା ବେଳେ ଫ୍ରାନ୍ସ – ଅର୍ଜେଟିଂନା ମଧ୍ୟରେ ଅପରାହ୍ନ ୩ଟାରେ ମ୍ୟାଚ୍ ଅନୁଷ୍ଠିତ ହେବ । ସଂନ୍ଧ୍ୟା ୫ଟାରେ ଅନୁଷ୍ଠିତ ହେବାକୁ ଥିବା ଏକ ମ୍ୟାଚ୍ ରେ ବେଲଜିୟମ ଜାପାନକୁ ଭେଟିବ । ସେହିପରି ସଂନ୍ଧ୍ୟା ୭ଟାରେ ଜର୍ମାନୀ ଓ କୋରିଆ ମଧ୍ୟରେ ମ୍ୟାଚ୍ ଅନୁଷ୍ଠିତ ହେବ ।
ଏଠାରେ ଉଲ୍ଲେଖଯୋଗ୍ୟ, ହକି ବିଶ୍ଵକପ୍ ରେ ସିଧାସଳଖ କ୍ଵାଟର ଫାଇନାଲରେ ପହଂଚି ପାରିନାହିଁ ଭାରତ । ୱେଲସ୍ ବିପକ୍ଷରେ ବିଜୟ ସତ୍ବେ ପୁଲ୍ ରେ ଦ୍ଵିତୀୟ ସ୍ଥାନରେ ରହିଛି ଭାରତ । ଆସନ୍ତା ୨୨ରେ ନ୍ୟୁଜିଲାଣ୍ଡ ସହ ଭାରତର କ୍ରସ୍ ଓଭର ମ୍ୟାଚ୍ ଅନୁଷ୍ଠିତ ହେବ ।
