କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ
ପୁରୀ,ପ୍ରତିଟି ପିଲା ହେଉଛନ୍ତି ଦେଶର ଭବିଷ୍ୟତ, ତଥା ଚଳଚ୍ଚିତ୍ର ଅନେକ ସମୟରେ ସେମାନଙ୍କ ଭିତରେ ଥିବା ଲକ୍ଷ୍ୟ ସାଧନ ପାଇଁ ମାର୍ଗ ପ୍ରଶସ୍ତ କରେ l ଏହାକୁ ଆଖିରେ ରଖି ଲୋକପ୍ରିୟ ଚଳଚ୍ଚିତ୍ର “ଦମନ ” କୁ ଉର୍ଜାବାନ ଓଡିଶା ପରିବାର ପକ୍ଷରୁ ଶିଶୁ ସଦନ ଅନ୍ତେବାସୀ ମାନଙ୍କୁ ପ୍ରଦର୍ଶନ କରାଯାଇଛି l ପୁରୀରେ ଗତ 17.01.2023ତାରିଖ ରୁ ଏହି ଚଳଚ୍ଚିତ୍ର ପ୍ରଦର୍ଶନ କରାଯାଉଥିଲା ବେଳେ, ପ୍ରଥମ ଥର ପାଇଁ ବାଲିଗୁଆଳି ସ୍ଥିତ ଆଦୃତା ଶିଶୁ ସଦନର 26 ଜଣ ଅନ୍ତେବାସୀ ମାନେ ଏହି ଚଳଚ୍ଚିତ୍ର ଦେଖି ପାରିଥିଲେ l ଗୋଟେ ପଟେ ସମାଜ ବିଭିନ୍ନ ଘଟଣା ପାଇଁ ଅବକ୍ଷୟ ହେଉଥିବା ବେଳେ ବର୍ତ୍ତମାନର ଛାତ୍ର ଛାତ୍ରୀ ମାନେ ଏହାକୁ ରକ୍ଷା କରିପାରିବେ ବୋଲି ସଭାପତି ସନ୍ତୋଷ ସେନାପତି ନିଜର ମତାମତ ଦେଇଥିଲେ l ସେହିପରି ସମ୍ପାଦିକା ନିହାରିକା ତ୍ରିପାଠୀ କିଭଳି ଉପାନ୍ତ ଅଞ୍ଚଳରେ ଜଣେ ଡାକ୍ତର ଙ୍କ ସେବା ମନୋଭାବ କିପରି ତାଙ୍କୁ ଏକ ସ୍ଵତନ୍ତ୍ର ପରିଚୟ ଦେବା ସହ ବେଶ୍ ଲୋକପ୍ରିୟ ସେ ନିଜେ ହୋଇପାରିଥିଲେ ତାହା କହିଥିଲେ l ଏହି ଅବସରରେ ଅନୁଷ୍ଠାନର ସଦସ୍ୟ ପ୍ରଭାସ ରଥ, ଗିରିଜା ଶଙ୍କର ଦାଶ, ଦିଲ୍ଲୀପ ଚି଼ନେରା,ଜିତେନ୍ଦ୍ର ପାତ୍ର, ଝାନ୍ସୀ ରାଣୀ ମିଶ୍ର, ସସ୍ମିତା ଜେନା, ବିଭୁ ପ୍ରସାଦ ନନ୍ଦ, ଦିପ୍ତୀଚାନ୍ଦ ଗୁପ୍ତା,ମାନେ ସହଯୋଗ କରିଥିଲେ l
