ଗଂଜାମ, ଆଜିଠାରୁ ପୁଣି ରାଜ୍ଯରେ କୋଭିଡ ନିୟନ୍ତ୍ରଣ ପାଇଁ ବୁଷ୍ଟର ଡୋଜ ଆରମ୍ଭ ହୋଇଛି। ବ୍ରହ୍ମପୁର ମହାନଗର ନିଗମ (ବିଇଏମସି) ପକ୍ଷରୁ ଟୀକାଦାନ ପାଇଁ ଦୁଇଟି କେନ୍ଦ୍ର ଖୋଲାଯାଇଛି।ଗୋଟିଏ ଗୁଡସେଡ ରୋଡ ସହରାଞ୍ଚଳ ସ୍ଵାସ୍ଥ୍ୟକେନ୍ଦ୍ରରେ ଓ ଅନ୍ଯଟି ରେଡକ୍ରସ ସହରାଞ୍ଚଳ ସ୍ଵାସ୍ଥ୍ୟକେନ୍ଦ୍ରରେ। ଏ ଦୁଇଟି କେନ୍ଦ୍ରରେ କେବଳ କୋଭିସିଲ୍ଡ ଟୀକା୧୫୦ ଲେଖାଏଁ ମୋଟ ୩୦୦ ଉପଲବ୍ଧ ହେବ। ସେଥରୁ ପ୍ରତି କେନ୍ଦ୍ରରେ ୧୦୦ ଲେଖାଏଁ ଅନଲାଇନ ପଞ୍ଜିକରଣ ଓ ୫୦ ଲେଖାଏଁ ଅଫଲାଇନ ପଞ୍ଜିକରଣ ହେବ ବୋଲି ସୂଚନା ଦିଆଯାଇଛି।
