ପୁରୀ,ସ୍ଥାନୀୟ ବୋଧିଚକ୍ର ଅନୁଷ୍ଠାନ ପକ୍ଷରୁ ଅନ୍ନପୂର୍ଣ୍ଣା ଚାରିଟେବୁଲ ଟ୍ରଷ୍ଟ ସହଯୋଗିତାରେ ପ୍ରଫେସର ଚିତ୍ତରଞ୍ଜନ ଦାସଙ୍କ ଜନ୍ମ ଶତବାର୍ଷିକୀ ର ପଞ୍ଚମ ବକ୍ତୃତାମାଳା ତଥା ପ୍ରଫେସର ଦାସଙ୍କ ମହାପ୍ରୟାଣ ଦିବସ ଦାଦାମଠ ଲେନ୍ ଠାରେ ଅନୁଷ୍ଠିତ ହୋଇଯାଇଅଛି। ଏହି ଉତ୍ସବରେ ଅନୁଷ୍ଠାନର ସଭାପତି ଇଂ ଗିରିଜା ଶଙ୍କର ପାଢ଼ୀ ସଭାପତିତ୍ବ କରିଥିଲେ । ବିଶିଷ୍ଟ କବି ମାନସ ରଞ୍ଜନ ମହାପାତ୍ର , ଅବସରପ୍ରାପ୍ତ ପ୍ରଫେସର ଶରତ କୁମାର ସାହୁ, ବିଭୂତି ଭୂଷଣ କର , ପ୍ରମୋଦ କୁମାର ପଣ୍ଡା , ଡକ୍ଟର ପ୍ରମୋଦ କୁମାର ଆଚାର୍ଯ୍ୟ , ଅଶୋକ କୁମାର ଆଢ୍ଯ , ଦେବରାଜ ପ୍ରଧାନ , ପ୍ରମୋଦ କୁମାର ଦାସ , ବାସୁଦେବ ସାହୁ ଏବଂ ଶୈଳବାଳା ମହାପାତ୍ର ପ୍ରମୁଖ ଏହି ଆଲୋଚନାରେ ଭାଗ ନେଇଥିଲେ ।
ପ୍ରଫେସର ଚିତ୍ତରଞ୍ଜନ ଦାସଙ୍କ ଜୀବନ ଓ କୃତିତ୍ୱ ସମ୍ପର୍କରେ ତଥା ତାଙ୍କ ପୁସ୍ତକ “ଜାତିରେ ମୁଁ ଯବନ “ବିଷୟରେ ଏହି ସଭାରେ ବିଶେଷ ଆଲୋକପାତ କରାଯାଇଥିଲା । ଆସନ୍ତା ମାସରେ ମାସିକ ଆଲୋଚନା ପ୍ରଫେସର ଦାସଙ୍କ ପୁସ୍ତକ “କ୍ଷ ରୁ ଅ” ବିଷୟରେ ଗାନ୍ଧୀ ପୀଠ ଠାରେ କରାଯିବାକୁ ସ୍ଥିର କରାଗଲା ।
