ନୟାଗଡ଼, ନୟାଗଡ଼ ଜିଲ୍ଲା ଓଡ଼ଗାଁ ଥାନା ଅନ୍ତର୍ଗତ ମା ମଙ୍ଗଳା ରାଇସ୍ ମିଲ୍ ରେ ଘଟିଛି ଅଘଟଣ । ଆଜି ସକାଳେ ଗୋଦାମରେ ଷ୍ଟକ୍ ଦେଖୁଥିବା ବେଳେ ଚାଉଳ ବସ୍ତା ତଳେ ଚାପି ହୋଇ ଦୁଇ ଜଣ ଶ୍ରମିକଙ୍କ ମୃତ୍ୟୁ ଘଟିଛି । ଗୁରୁତର ଦୁଇ ଶ୍ରମିକଙ୍କୁ ଓଡ଼ଗାଁ ଗୋଷ୍ଠି ସ୍ଵାସ୍ଥ୍ୟକେନ୍ଦ୍ରକୁ ଅଣାଯାଇଥିଲା । ହେଲେ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି । ମୃତକ ମାନେ ହେଲେ ଗଞ୍ଜାମ ତିରିସିଂ ଗ୍ରାମର ରାମେଶ୍ଵର ଦିହୁଡ଼ି ଓ କଟକ ଜିଲ୍ଲା ବଡ଼ମ୍ବା ନରସିଂହପୁରର ପ୍ରମୋଦ ମହାରଣା ବୋଲି ଜଣାପଡିଛି । ଖବର ପାଇ ଓଡ଼ଗାଁ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଚଳାଇଛି । କେଉଁ ପରିସ୍ଥିତିରେ ଏଭଳି ଏକ ଅଘଟଣ ଘଟିଲା ସେନେଇ ଛାନଭିନ୍ ଜାରୀ ରଖିଛି ପୋଲିସ ।
