ବଲାଙ୍ଗିର,ସର୍ଗିପାଲି ଗ୍ରାମର ଶ୍ରମିକ ମାନେ ଆଜି ଖପ୍ରାଖୋଲ ବ୍ଲକ କାର୍ଯ୍ୟାଳୟରେ ପଶି ବ୍ୟାପକ ଭଙ୍ଗାରୁଜା କରିଛନ୍ତି । ମହାତ୍ମା ଗାନ୍ଧି ନିଶ୍ଚିନ୍ତ କର୍ମ ନିଯୁକ୍ତି ଯୋଜନା(ମନରେଗା) କାମରେ ଦୁର୍ନୀତି ଓ ବକେୟା ପାଉଣା ଦାବି ନେଇ ଶେଷରେ ଏଭଳି ଚରମ ପଦକ୍ଷେପ ନେଇଛନ୍ତି ଶ୍ରମିକ ମାନେ । ଏହାପରେ ଉତ୍ୟେକ୍ତ ଶ୍ରମିକ ମାନେ ଲାଠୋର- ହରିଶଙ୍କର ରାସ୍ତାକୁ ଅବରୋଧ କରିଛନ୍ତି । ଫଳରେ ଦୀର୍ଘ ସମୟ ଧରି ସମ୍ପୃକ୍ତ ରୁଟ୍ ରେ ଯାନବାହନ ଚଳାଚଳ ବ୍ୟାହତ ହୋଇଛି ।
