ବଲାଙ୍ଗିର, ବଲାଙ୍ଗିର ସଦର ଥାନା ଅନ୍ତର୍ଗତ ସଦାଇପାଲିରେ ଜମି ବିବାଦକୁ କେନ୍ଦ୍ରକରି ରବିବାର ସକାଳେ ଗୁଳିକାଣ୍ଡ ଘଟିଛି। ଗୁଳିମାଡରେ ବଲାଙ୍ଗିର ସହର ରାମେଶ୍ଵର ନଗର ପଡାର ଦିଲ୍ଲୀପ (ସୋନୁ) ପଟନାୟକ ଗୁରୁତର ଭାବେ ଆହତ ହୋଇଛନ୍ତି। ସୋନୁଙ୍କ ଡାହାଣ କାନ୍ଧରେ ଗୁଳି ବାଜି ବାହାରି ଯାଇଥିବା ଜଣାପଡ଼ିଛି। ଉପସ୍ଥିତ ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଭୀମ ଭୋଇ ଡାକ୍ତରଖାନାରେ ଭର୍ତ୍ତି କରିଛନ୍ତି। ଘଟଣାରେ ସୋନୁଙ୍କ ୩ ସହଯୋଗୀ ମଧ୍ୟ ଆହତ ହୋଇଛନ୍ତି। ଅପରପକ୍ଷରେ ଏହି ଘଟଣାରେ ପ୍ରତିପକ୍ଷ ଗୋଷ୍ଠୀର କିଛି ମହିଳା ଓ ପୁରୁଷ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ସଦର ଏସଡିପିଓ ତୋଫାନ ବାଗ ଡାକ୍ତରଖାନାରେ ପହଂଚି ତଦନ୍ତ ଆରମ୍ଭ କରିଛନ୍ତି।
