ଧର୍ମଶାଳା,ସମାଜ ମୋ ପରିବାର ପକ୍ଷରୁ ଏକ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଛି । ଯାଜପୁର ଜିଲା ଧର୍ମଶାଳା ବ୍ଲକ କଂଟିଗଡିଆସ୍ଥିତ ପୂର୍ଣ୍ଣିମା କ୍ଲବ ପରିସରରେ ଏହି ଶିବିର ଅନୁଷ୍ଠିତ ହୋଇଥିଲ । ଶିବିରକୁ ଧର୍ମଶାଳା ଥାନା ଅଧିକାରୀ ରାକେଶ କୁମାର ତ୍ରିପାଠୀ ମୁଖ୍ୟ ଅତିଥିଭାବେ ଯୋଗଦେଇ ଆନୁଷ୍ଠାନିକଭାବେ ଉଦଘାଟନ କରିଥିଲେ । ଅନ୍ୟ ଅତିଥିମାନଙ୍କ ମଧ୍ୟରେ ବରିଷ୍ଠ ସୁସାହିତ୍ୟିକ ଡ. ପ୍ରୀୟନାଥ ମହାପାତ୍ର, କଂଟିଗଡିଆ ସରପଂଚ ପ୍ରଶାନ୍ତ ରାଉତ, ସମିତିସଭ୍ୟ ଅରୂପାନନ୍ଦ ଜେନା ପ୍ରମୁଖ ଉପସ୍ଥିତ ରହି ରକ୍ତଦାତାଙ୍କୁ ଉତ୍ସାହିତ କରିଥିଲେ । କାର୍ଯ୍ୟକ୍ରମରେ ଅଭିଜ୍ଞ ଡାକ୍ତର ଯୋଗ ଦେଇ ରକ୍ତ ସଂଗ୍ରହ କରିଥିଲେ । ୫୦ରୁ ଉର୍ଦ୍ଧ ୟୁନିଟ୍ ରକ୍ତ ସଂଗ୍ରହ ହୋଇଥିବା ଜଣାପଡିଛି । ସମାଜ ମୋ ପରିବାରର ଏଭଳି ମହତ କାର୍ଯ୍ୟକୁ ଅଂଚଳରେ ଉଚ୍ଚ ପ୍ରଶଂସା କରାଯାଇଛି ।
ସମାଜ ମୋ ପରିବାର ସଭାପତି ଗୋପିନାଥ ରାଉତ, ଜ୍ୟୋତିରଂଜନ ସାହୁ, ନିର୍ମଳ ଚନ୍ଦ୍ର ନାୟକ, ପ୍ରତାପ ସାମଲ, ଜିତେନ୍ଦ୍ର ରଣା, ରତିକାନ୍ତ ମହାନ୍ତି, ହିତେଶ ସେନାପତି, ସୂର୍ଯ୍ୟମଣୀ ପଣ୍ଡା, ସଦାନନ୍ଦ ହୋତା, ସୁଶାନ୍ତ ମହାପାତ୍ର, ରସାନନ୍ଦ ମହାନ୍ତି, ମନୋଜ ରାଉତ, ମନୋରଂଜନ କର ଓ ବିଜୟ କେତନ ସାମଲଙ୍କ ସମସ୍ତ କର୍ମକର୍ତା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
