ଘଟଗାଁ, କେନ୍ଦୁଝର ଜିଲ୍ଲା ତେଲକୋଇ ନିର୍ବାଚନ ମଣ୍ଡଳୀ ହରିଚନ୍ଦନପୁର ବ୍ଲକ ଅଧିନସ୍ଥ ବଣ ପାହାଡ ଘେରା ଉପାନ୍ତ ଆଦିବାସୀ ଅଂଚଳ ନୋଲ୍ଲ, ବାଉଁରୁ, କହ୍ନେଇଗୋଳା ଆଦି ଗ୍ରାମର ଅସହାୟ ଶତାଧିକ ବୃଦ୍ଧ ବୃଦ୍ଧା, ଭିନ୍ନକ୍ଷମଙ୍କୁ ଭାରତୀୟ ରେଡକ୍ରସ ସଂସ୍ଥା କେନ୍ଦୁଝର ଶାଖା ପକ୍ଷରୁ ଉନ୍ନତମାନର କମ୍ବଳ, ଦେହଲଗା ସାବୁନ ବଣ୍ଟନ କରାଯାଇଛି । ଅତିରିକ୍ତ ଜିଲ୍ଲାପାଳ ସୁଷମା ବିଲୁଙ୍ଗ, ଆପାତକାଳୀନ ଅଧିକାରିଣୀ ସୁରଂଜୀକା ବେହେରା, ଜିଲ୍ଲା ରେଡକ୍ରସ ଯୁଗ୍ମ ସଂପାଦକ ଏ.ଆର. ଖାନ, ସତ୍ୟବାଦୀ ଲାଗୁରୀ ପ୍ରମୁଖଙ୍କ ନେତୃତ୍ଵରେ ଗରୀବ ଲୋକଙ୍କୁ କମ୍ବଳ ବଣ୍ଟନ ସଂପନ୍ନ ହୋଇଥିଲା ।
ଏଠାରେ ସୂଚନାଯୋଗ୍ୟ ଯେ, ଏଥି ପୂର୍ବରୁ ଜିଲ୍ଲାପାଳ ଆଶିଷ ଠାକରେଙ୍କ ନିର୍ଦ୍ଦେଶ କ୍ରମେ ହରିଚନ୍ଦନପୁର ବ୍ଲକର କୁଆଝରଣ ଆଦିବାସୀ ଗ୍ରାମର, ତେଲକୋଇ ବ୍ଲକର ଖଡୁରିଆ ଗ୍ରାମ ଓ ଝୁମ୍ପୁରା ବ୍ଲକର ବାଲିବନ୍ଧ ଛୋଟୁସାହି ଆଦି ଗ୍ରାମର ନିରାଶ୍ରୟ ଅସହାୟ, ଅକର୍ମଣ୍ୟ ଲୋକଙ୍କୁ କମ୍ବଳ, ସାନିଟାଇଜର କିଟ୍ ବଣ୍ଟନ କରାଯାଇଥିଲା ।
