ଭୁବନେଶ୍ୱର, କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପୁଣ୍ୟତିଥି ଅବସରରେ ପୂର୍ବତନ ପ୍ରଧାନମନ୍ତ୍ରୀ ଲାଲ ବାହାଦୁର ଶାସ୍ତ୍ରୀଙ୍କୁ ସ୍ମରଣ କରିଛନ୍ତି ।
ସେ ଟ୍ୱିଟ କରି କହିଛନ୍ତି ଯେ ଭାରତ ରତ୍ନ ଲାଲ ବାହାଦୁର ଶାସ୍ତ୍ରୀଙ୍କୁ ତାଙ୍କର ପୁଣ୍ୟ ତିଥି ଅବସରରେ କୋଟି କୋଟି ନମନ । ସାଧାରଣ ପରିବାରରୁ ଆସିଥିବା ଲାଲ ବାହାଦୁର ଶାସ୍ତ୍ରୀଙ୍କ ଜୀବନ ରାଷ୍ଟ୍ର ସେବା, ଧର୍ମନିଷ୍ଠତା ଓ ତପସ୍ୟାର ପର୍ଯାୟ ଥିଲା । ସରଳତା, ସାଧୁତା ଓ କର୍ମଠତାର ସେ ପ୍ରତିମୂର୍ତି ଥିଲେ ।
