ଭୁବନେଶ୍ୱର, ଭୁବନେଶ୍ୱର ସ୍ଥିତ ୭ମ ବାଟାଲିୟନ୍ ଠାରେ କମିଶନରେଟ୍ ପୋଲିସ୍ ର ୧୫ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ ମୁଖ୍ୟମନ୍ତ୍ରୀ ଭୁବନେଶ୍ୱର ସହରାଂଚଳ ପୋଲିସ ଜିଲ୍ଲା ଅଧିନସ୍ଥ ମୈତ୍ରୀ ବିହାର ଥାନା ଏବଂ ରାଜ୍ୟର ୨୩ଟି ପୋଲିସ ଜିଲ୍ଲା ଅଧିନସ୍ଥ ୩୦ଟି ନୂତନ ଥାନା ଲୋକାର୍ପଣ କରିଥିଲେ । ଏହାସହ ଉଲ୍ଲେଖନୀୟ କାର୍ଯ୍ୟ ପାଇଁ ପୋଲିସ୍ କର୍ମଚାରୀମାନଙ୍କୁ ସମ୍ବର୍ଦ୍ଧିତ କରାଯାଇଥିଲା ।
