ନୂଆପଡ଼ା, ନୂଆପଡା ଜିଲ୍ଲା କୋମନା ଥାନା ଅଧୀନସ୍ଥ ତିଳେଇମାଲ ଏବଂ ହଲୁଆପାଳି ଗ୍ରାମରୁ ୧୦ ଜଣ ଦାଦନ ଶ୍ରମିକଙ୍କୁ କୋମନା ପୋଲିସ ଉଦ୍ଧାର କରିଥିବା ସୂଚନା ମିଳିଛି।
କୋମନା ବ୍ଲକରୁ ଏକ ବୋଲେରୋ ଗାଡିରୁ ୧୦ ଜଣ ଦାଦନ ଶ୍ରମିକ ଉଦ୍ଧାର ହୋଇଛନ୍ତି। ଏମାନଙ୍କ ମଧ୍ୟରେ ପାଞ୍ଚ ଜଣ ପୁରୁଷ ଏବଂ ପାଞ୍ଚ ଜଣ ମହିଳା ସହିତ ୩ ଜଣ ନାବାଳକ ଥିବା ସୂଚନା ମିଳିଛି। ଏହି ଘଟଣାରେ ପୋଲିସ ଏକ ବୋଲେରୋ ଗାଡ଼ି ଜବତ କରିଥିବା ବେଳେ ଶ୍ରମିକ ଦଲାଲ ନିରଂଜନ ମେହେର ଏବଂ ଗାଡି ଚାଳକ ତନୁଜ ମେହେରଙ୍କୁ ପୋଲିସ ଗିରଫ କରି କୋର୍ଟଚାଲାଣ କରିଥିବା କୋମନା ଥାନା ଅଧିକାରୀ ନିର୍ମଳ ପାଣିଗ୍ରାହୀ ପ୍ରକାଶ କରିଛନ୍ତି।
