ମାଲକାନଗିରି,ମାଲକାନଗିରି ଜିଲ୍ଲା ସ୍ଵାମୀ ବିବେକାନନ୍ଦ ଲୋକ ସଂସଦ ଆନୁକୂଲ୍ୟରେ ଏହାର ବିଚାରଧାରା ବିଭାଗ ଦ୍ଵାରା ଗତକାଲି ସପ୍ତଦଶ ତମ ଇ -ପାଠଚକ୍ର ଗାଳ୍ପିକ ଗୋଦାବରୀଶ ମହାପାତ୍ରଙ୍କ ଗଳ୍ପ -ନୀଳ ମାଷ୍ଟ୍ରାଣୀ : ଏକ ଦୃଷ୍ଟିପାତ ଉପରେ ଅନୁଷ୍ଠିତ ହୋଇଯାଇଛି।
ଉକ୍ତ କାର୍ଯ୍ୟକ୍ରମରେ ମାଲକାନଗିରି ମହାବିଦ୍ୟାଳୟର ବାଣିଜ୍ୟ ବିଭାଗର ମୁଖ୍ୟ ଅଧ୍ୟାପକ ତଥା ମାଲକାନଗିରି ବିବେକାନନ୍ଦ ଲୋକ ସଂସଦର ସଭାପତି ଡ଼ଃ. ରଞ୍ଜନ କୁମାର ସ୍ଵାଇଁ ସଭାପତିତ୍ଵ କରିଥିବା ବେଳେ ଡ଼ଃ. ଶ୍ୟାମ ପ୍ରସାଦ ସ୍ନାତକ ମହାବିଦ୍ୟାଳୟ, ଏମ.ଭି. -୭୯ର ଅଧ୍ୟକ୍ଷା ପ୍ରବାସିନୀ ମହାପାତ୍ର ମୁଖ୍ୟବକ୍ତା ଭାବେ ଯୋଗଦେଇ ଗଳ୍ପ ଉପରେ ସବିଶେଷ ଆଲୋଚନା କରିଥିଲେ। ଚାଲାଣଗୁଡା କେଜିବିଭି ର ପ୍ରଧାନ ଶିକ୍ଷୟତ୍ରୀ ଆଭାରାଣୀ ବିଶ୍ଵାଳ ସଂଯୋଜନା କରିଥିଲେ । ଅଙ୍ଗୁରବାଳ ସ୍ବାଇଁ ମନ୍ତ୍ରପାଠ କରିଥିବା ବେଳେ ରବୀନ୍ଦ୍ର କୁମାର ମହାରଣା ଧନ୍ୟବାଦ ଅର୍ପଣ କରିଥିଲେ। ପ୍ରତିମା ନାୟକ ଶାନ୍ତିପାଠ ପରେ କାର୍ଯ୍ୟକ୍ରମର ପରିସମାପ୍ତି ଘୋଷଣା କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ସମଗ୍ର ରାଜ୍ୟରୁ ୫୦ ରୁ ଉର୍ଦ୍ଧ୍ବ ସଦସ୍ୟ ଅଂଶଗ୍ରହଣ କରିଥିଲେ।
