ଗଞ୍ଜାମ, ବିଲରୁ ରକ୍ତ ଜୁଡ଼ୁବୁଡୁ ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି । କବିସୂର୍ଯ୍ୟନଗର ଥାନା ଅନ୍ତର୍ଗତ ନିମୁଣ୍ଡିଆ -ବଡ଼ଚଢ଼ିଆପଡ଼ା ରାସ୍ତା ପାର୍ଶ୍ଵ ବିଲରେ ଆଜି ସକାଳେ ଏହି ମୃତଦେହ ଠାବ ହୋଇଥିଲା । ମୃତଦେହ ନିକଟରେ ଏକ ମଦ ବୋତଲ ପଡିଥିବା ଦେଖିବାକୁ ମିଳିଛି । ପାରିପାର୍ଶ୍ୱିକ ସ୍ଥିତିରୁ ଯୁବକଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ମୃତକଙ୍କ ନାମ ରତନ ବିଶୋଇ ଓ ତାଙ୍କ ଘର ନିକଟସ୍ଥ ପାଇକଯମୁନା ଗ୍ରାମରେ ବୋଲି ଜଣାପଡିଛି । କବିସୂର୍ଯ୍ୟନଗର ଥାନା ପୋଲିସ ମୃତକଙ୍କ ଶବ ଜବତ କରି ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ଼ ମେଡ଼ିକାଲକୁ ପଠାଇଛି । ତାଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିବା ନେଇ ପରିବାର ପକ୍ଷରୁ ଥାନାରେ ଲିଖିତ ଅଭିଯୋଗ ହୋଇଛି । ଅଭିଯୋଗକୁ ଭିତି କରି ପୋଲିସ ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରିବା ସହ ଘଟଣାରେ ୭ ଜଣଙ୍କୁ ଥାନାରେ ଅଟକ ରଖି ପଚରା ଉଚୁରା ଚଳାଇଛି ।
ପ୍ରକାଶ ଥାଉକି, ଗତକାଲି ରାତି ୮ଟା ୪୦ ମିନିଟ୍ ସମୟରେ ରତନ ଘରୁ ବାହାରକୁ ଯାଇଥିଲେ । ହେଲେ ରାତିରେ ସେ ଘରକୁ ଫେରି ନଥିଲେ । ପରିବାର ଲୋକେ ତାଙ୍କୁ ନପାଇ ନିଖୋଜ ସଂକ୍ରାନ୍ତରେ ଥାନାରେ ଅଭିଯୋଗ କରିଥିଲେ । ଆଜି ସକାଳେ ଗ୍ରାମ ନିକଟସ୍ଥ କ୍ଷେତରେ ରକ୍ତ ଜଡ଼ୁବୁଡୁ ଅବସ୍ଥାରେ ତାଙ୍କ ଶବ ପଡିଥିବା ଦେଖିବାକୁ ମିଳିଥିଲା ।
