ବଲାଙ୍ଗିର, ବାଧିତ ଜନବନ୍ଧୁ ପ୍ରଭାକର ରଥଙ୍କ ୧୦୩ ତମ ଜନ୍ମ ଜୟନ୍ତୀ ଆଜି ଦିନ ୧୧ଟା ସମୟରେ ସ୍ଥାନୀୟ ଟାଉନ ବାଳିକା ହାଇସ୍କୁଲର ସଭାଗୃହରେ ପୂଜ୍ଯପୂଜା ଅନୁଷ୍ଠାନ ଓ ପ୍ରଭାକର ରଥ ସ୍ମୃତି କମିଟି ଆନୁକୁଲ୍ୟରେ ଆୟୋଜିତ ହୋଇଯାଇଛି। ଅନୁଷ୍ଠାନର ସଭାପତି ଜୟରାମ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ପୂର୍ବତନ ରାଜେନ୍ଦ୍ର କଲେଜ ଅଧ୍ୟକ୍ଷ ଅଭିମନ୍ୟୁ ମିଶ୍ର ମୁଖ୍ୟ ଅତିଥି, ଶିକ୍ଷାବିତ ସୁଶ୍ରୀ ମମତା ସ୍ଵାଇଁ ମୁଖ୍ୟବକ୍ତା ଭାବେ ଯୋଗଦେଇ ସ୍ଵର୍ଗତ ରଥଙ୍କ ପ୍ରତିଭା ଉପରେ ଆଲୋକପାତ କରିଥିଲେ।
ଏହି ଅବସରରେ ସମାଜସେବା ପାଇଁ ସ୍ମାରକୀ ସମ୍ମାନରେ ଲୋକନାଥ କୁମରାଙ୍କୁ ସମ୍ମାନିତ କରାଯାଇଥିଲା। ଅଭିମନ୍ୟୁ ମିଶ୍ର, ସମ୍ପାଦକ ମଧୁସାହୁଙ୍କ ସମ୍ପାଦନାରେ ବାର୍ଷିକ ବିବରଣୀ ପାଠ କରିଥିଲେ ଓ ସଭାକୁ ସଂଯୋଜନା କରିଥିଲେ। ପ୍ରଭାକର ରଥ ସ୍ମୃତି କମିଟି, ପୂଜ୍ୟ ପୂଜା ଅନୁଷ୍ଠାନ ମୁଖ୍ଯ ସ୍ଵର୍ଗତ ରଥଙ୍କ ସୁପୁତ୍ର ମଦନମୋହନ ରଥ କାର୍ଯ୍ୟକ୍ରମର ଉଦ୍ୟୋକ୍ତା ଥିଲାବେଳେ ଶେଷରେ କସ୍ତୁରୀ ରଥ ଧନ୍ଯବାଦ ଅର୍ପଣ କରିଥିଲେ।
କାର୍ଯ୍ୟକ୍ରମରେ ସହରର ବରିଷ୍ଠ ବିଜ୍ଞ ଲୋକମାନେ ଯୋଗଦେଇଥିଲେ। ପ୍ରଥମ ପୂଜାର୍ଚନା କରାଯାଇଥିଲା।
