ରାୟଗଡ଼ା,ବହୁ ଚର୍ଚ୍ଚିତ ରୁଷ୍ ପର୍ଯ୍ୟଟକ ବ୍ଲାଦିମିର ବିଦାନୋଭ ଓ ଆଂଟୋଭ ପାଭେଲ ମୃତ୍ୟୁ ଘଟଣାର ତଦନ୍ତ ପାଇଁ ରାୟଗଡ଼ାରେ ପହଂଚିଛି କ୍ରାଇମବ୍ରାଂଚ ଟିମ୍ । କ୍ରାଇମବ୍ରାଂଚ ଡିଏସପି ସରୋଜକାନ୍ତ ମହାନ୍ତୋଙ୍କ ନେତୃତ୍ଵରେ ଏକ ୧୨ ଜଣିଆ ଟିମ୍ ଆସିଛନ୍ତି । ଏଥିରେ ସାଇଂଟିଫିକ୍ ଟିମ୍ ମଧ୍ୟ ରହିଛନ୍ତି ।
ଆଜି ଭୋରରୁ ରାୟଗଡ଼ାରେ ପହଂଚିବା ପରେ କ୍ରାଇମବ୍ରାଂଚ ଅଧିକାରୀ ଓ ଗତକାଲି ଅନୁସନ୍ଧାନ ପାଇଁ ଆସିଥିବା ଆଇ.ବି. ଟିମ୍ ମଧ୍ୟରେ ସାକ୍ଷାତ ଓ ଆଲୋଚନା ହୋଇଥିଲା । ଏହାପରେ କ୍ରାଇମବ୍ରାଂଚ ଟିମ୍ ଜିଲ୍ଲା ପୋଲିସ କାର୍ଯ୍ୟାଳୟକୁ ଯାଇ ସେଠାରେ ଏସପି, ଏସଡିପିଓଙ୍କ ସମେତ ପୋଲିସର ଅନ୍ୟ ବରିଷ୍ଠ ଅଧିକାରୀ ମାନଙ୍କ ସହିତ ଆଲୋଚନା କରିଥିଲେ । ସେହିପରି ପୁଲିସ ଗେଷ୍ଟ ହାଉସ ଠାରେ ଆଇଆଇସି ଓ ଅନ୍ୟ ତଦନ୍ତ ଅଧିକାରୀଙ୍କ ଠାରୁ ଘଟଣା ସମ୍ପର୍କରେ ତଥ୍ୟ ସଂଗ୍ରହ କରିଛନ୍ତି । ଏହାପରେ ଘଟଣାସ୍ଥଳ ଅର୍ଥାତ୍ ରାୟଗଡ଼ା ସ୍ଥିତ ହୋଟେଲରେ ପହଂଚି ତଦନ୍ତ କରୁଛି କ୍ରାଇମବ୍ରାଂଚ ଟିମ୍ ।
