ବଲାଙ୍ଗୀର, କୋରାପୁଟ ଜିଲ୍ଲା, ପୂଜାରିପୁଟ ଇଣ୍ଡୋର୍ ଷ୍ଟାଡିୟମ୍ ଠାରେ ଚତୁର୍ଥ ପୂର୍ବାଞ୍ଚଳ ପେନକାକ ସିଲଟ ଚାମ୍ପିଅନସିପ ଅନୁଷ୍ଠିତ ହୋଇଯାଇଛି। ଓଡ଼ିଶା, ବିହାର, ୱେଷ୍ଟ ବେଙ୍ଗଲ, ଛତିଶଗଡ଼ ଏବଂ ଝାରଖଣ୍ଡ ଏଭଳି ୫ ଟି ରାଜ୍ୟରୁ ପ୍ରାୟ ୨୦୦ ରୁ ଉର୍ଦ୍ଧ୍ବ ପ୍ରତିଯୋଗୀ ଏଥିରେ ଭାଗ ନେଇଥିଲେ । ଏହି ଚାମ୍ପିଅନସିପର ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ କୋରାପୁଟ ବିଧାୟକ ରଘୁରାମ ପଡ଼ାଲ ଏବଂ ଉଦଯାପନୀ ଉତ୍ସବ ମୁଖ୍ୟ ଅତିଥି ଭାବେ ପେନାକାକ ସିଲାଟ ର ଆନ୍ତର୍ଜାତିକ ରେଫରି ପ୍ରେମ ସିଂହ ଥାପା ଯୋଗଦାନ କରି ଖେଳର ମହତ୍ତ୍ଵ ଉପରେ ଆଲୋକପାତ କରିଥିଲେ। ଗୁରୁ ପ୍ରଶାନ୍ତ ପାତ୍ରଙ୍କ ଅଧ୍ୟକ୍ଷତାରେ ବଲାଙ୍ଗୀର ଜିଲ୍ଲା ପେନାକାକ ସିଲାଟ ଆସୋସିଏସନ୍ ର ୭ ଜଣ ଛାତ୍ରଛାତ୍ରୀ ଭାଗ ନେଇ କୃତିତ୍ଵ ହାସଲ କରିଥିଲେ ।
ସେମାନଙ୍କ ମଧ୍ୟରେ ସ୍ଥିତ ପ୍ରଜ୍ଞା ମିଶ୍ର ଏବଂ କ୍ରିତିକା ଅଗ୍ରୱାଲ ସୁବର୍ଣ୍ଣ ପଦକ, ପ୍ରିନ୍ସ ପାତ୍ର, ରୋହିତ କୁମାର ସାହୁ, ଖୁସିରାମ ସେଠ୍ ଏବଂ ସୁଶ୍ରୀ ଦେବାଂଶି ରୌପ୍ୟ ପଦକ ହାସଲ କରିଥିବା ବେଳେ ତ୍ରିଲୋକେଶ ଶତପଥୀ ବ୍ରୋଞ୍ ପଦକ ହାସଲ କରି ବଲାଙ୍ଗୀରର ଗୌରବ ଅର୍ଜନ କରିଥିଲେ।
