ମାଲକାନଗିରି, ମାଲକାନଗିରି ଜିଲା ଖଇରପୁଟ ବ୍ଲକ ଅନ୍ତର୍ଗତ ପରକନମାଳା ଗ୍ରାମପଞ୍ଚାୟତ ସିରିପେଟା ଗ୍ରାମର, ଜଗନ୍ନାଥ ମନ୍ଦିରର ନୂତନ ପରିଚାଳନା ପରିଷଦର କର୍ମକର୍ତ୍ତା ଚୟନ ବୈଠକ ଆଜି ଅନୁଷ୍ଠିତ ହୋଇଯାଇଛି । ପରିଚାଳନା ପରିଷଦର ନୂତନ ସଭାପତି ଭାବେ ସନାତନ ମାଢି, ଉପ ସଭାପତି ସହଦେବ ଶିଶା, ଉପ- ସଭାପତି ନୀଳା ପୁଲା, ସମ୍ପାଦକ ସମନ୍ଧ ମାଢି, ସହ-ସମ୍ପାଦକ ଭଗତ ମାଢି, କୋଷାଧ୍ୟକ୍ଷ ରମେଶ ଚନ୍ଦ୍ର ପୂଜାରୀଙ୍କୁ ମନୋନୀତ କରାଯାଇଥିବା ବେଳେ ୧୪ ଜଣ ସଦସ୍ୟଙ୍କୁ କାର୍ଯ୍ୟକାରି ପରିଷଦର ସଦସ୍ୟ ଚୟନ କରାଯାଇଥିଲା ।
ଏହି ଅବସରରେ ଦୟଣା କ୍ଷେତ୍ର ସିରୀପେଟା ଜଗନ୍ନାଥ ମନ୍ଦିରର ମୁଖ୍ୟ ପୂଜକ ବିଜୟାନନ୍ଦ ପଣ୍ଡା, ଯୁବ କବି ବଳରାମ ପୂଜାରୀ, ସମାଜସେବୀ ଭଗବାନ ସାହୁ, ହୃଷୀକେଶ ସେଠୀ, ଅଜୟ କୁମାର ପଟ୍ଟନାୟକ, ଜ୍ୟୋତି ରଞ୍ଜନ ବେହେରା, ଅର୍ଜୁନ ଓଡି, ଗଣେଶ ଦାସ, ସନ୍ତୋଷ ମହାନ୍ତି, ଲବ କର୍ଲୀଆ, ଜଗବନ୍ଧୁ ବାରିକଙ୍କ ସମେତ ଅନ୍ୟ ସଦସ୍ୟ ଓ ଶ୍ରଦ୍ଧାଳୁ ମାନେ ବୈଠକରେ ଉପସ୍ଥିତ ରହି ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ । ଏହାପରେ ନୂତନ ସଭାପତି ଶ୍ରୀ ମାଝୀ ଆଗାମୀ ମାଘ ମାସରେ ହେବାକୁ ଥିବା ଗାୟତ୍ରୀ ମହାଯଜ୍ଞ ବିଷୟରେ ସମସ୍ତଙ୍କୁ ଅବଗତ କରାଇଥିଲେ ଓ ସମସ୍ତଙ୍କ ସହଯୋଗ କାମନା କରିଥିଲେ ।
