-
ନବୀନଙ୍କ ତରଫରୁ ମନ୍ତ୍ରୀ ରୋହିତ ପୁଜାରୀ ଶିବରାଜଙ୍କୁ ଭୋପାଳରେ ଭେଟି ଦେଲେ ନିମନ୍ତ୍ରଣ
ଭୁୁବନେଶ୍ୱର, ଆଗାମୀ ୧୩ ଜାନୁଆରୀରୁ ୨୯ ଜାନୁଆରୀ ଯାଏ ଓଡିଶାରେ ହେବାକୁ ଥିବା ହକି ବିଶ୍ୱକପରେ ସାମିଲ ହେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମସ୍ତ ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ ଦେଉଥିବା ବେଳେ ଏହି କ୍ରମରେ ଆଜି ମଧ୍ୟ ପ୍ରଦେଶର ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନଙ୍କୁ ନିମନ୍ତ୍ରଣ ଦିଆ ଯାଇଛି । ମୁଖ୍ୟମନ୍ତ୍ରୀଙ୍କ ପକ୍ଷରୁ ରାଜ୍ୟର ମନ୍ତ୍ରୀ ରୋହିତ ପୁଜାରୀ ଭୋପାଳ ଠାରେ ଶିବରାଜ ସିଂହ ଚୌହାନଙ୍କୁ ଭେଟି ମୁଖ୍ୟମନ୍ତ୍ରୀ ନବୀନଙ୍କ ନିମନ୍ତ୍ରଣ ପତ୍ରକୁ ପ୍ରଦାନ କରିଛନ୍ତିା ଏହା ବାଦ ସେ ଭାରତୀୟ ହକି ଟିମର ଟି ଶାର୍ଟ ଓ ଅଶୋକ ଚକ୍ର ମଧ୍ୟ ପ୍ରଦାନ କରିଛନ୍ତି ।
ଶ୍ରୀ ଚୌହାନ ମଧ୍ୟ ତାଙ୍କୁ ନିମନ୍ତ୍ରଣ କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଦେବା ସହ ଶୁଭେଚ୍ଛା ଜଣାଇଛନ୍ତି ।
