-
୬ ଜଣ ଏକା ସାଙ୍ଗରେ ବେହୋସ ହେବା ଘଟଣା ସୁରକ୍ଷାକୁ ନେଇ ପ୍ରଶ୍ନ ଉଠୁଛି?
କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ ,ଶ୍ରୀମନ୍ଦିର ବାଇଶି ପାହାଚରେ ଘଟିଛି ଅଘଟଣ | ଠେଲାପେଲାରେ ୬ ଜଣ ଛାତ୍ରୀ ଅସୁସ୍ଥ ହୋଇଛନ୍ତି |ପର୍ଯ୍ୟଟନ ଋତୁରେ ଶ୍ରୀମନ୍ଦିରରେ ପ୍ରବଳ ଭିଡ଼ ଲାଗୁଥିବା ବେଳେ ସୋମବାର ସନ୍ଧ୍ୟାରେ ବାଇସି ପାହାଚ ନିକଟରେ ଘଟି ଯାଇଛି ଏଭଳି ଏକ ଅଭାବନୀୟ ଘଟଣା। ଏଥିରେ ମୟୁରଭଞ୍ଜ ହୃଦାନନ୍ଦ ହାଇସ୍କୁଲ୍ରୁ ଭ୍ରମଣ କରି ଆସିଥିବା ୬ ଜଣ ଛାତ୍ରୀ ଅସୁସ୍ଥ ହୋଇ ପୁରୀ ବଡମେଡିକାଲରେ
ଭର୍ତ୍ତି ହୋଇଛନ୍ତି ।ନୂଆ ବର୍ଷ ପାଖେଇ ଆସୁଥିବାରୁ ବର୍ତ୍ତମାନ ପୁରୀରେ ପ୍ରବଳ ଭିଡ଼ ଜମୁଛି । ଯାତ୍ରୀମାନେ ଘଣ୍ଟା ଘଣ୍ଟା ଧରି ବ୍ୟାରିକେଡରେ ଠିଆ ହୋଇ ମହାପ୍ରଭୁ ଜଗନ୍ନାଥଙ୍କ ଦର୍ଶନ କରିବାକୁ ଅପେକ୍ଷା କରୁଥିବା ଦେଖିବାକୁ ମିଳିଛି । ଏଭଳି ଅଘଟଣ ପୋଲିସ ପ୍ରଶାସନ ଅବହେଳାରୁ ହୋଇଛି ବୋଲି ସାଧାରଣରେ ମତ ପ୍ରକାଶ ପାଇଛି |ଜଣେ କିମ୍ବା ଦୁଇ ଜଣ ନୁହନ୍ତି ୬ ଜଣ ଏକା ସାଙ୍ଗରେ ବେହୋସ ହେବା କେଉଁଠି ନାଁ କେଉଁଠି ସୁରକ୍ଷାକୁ ନେଇ ପ୍ରଶ୍ନ ଉଠୁଛି?ଆଜି ବିଜେଡି ପ୍ରତିଷ୍ଠା ଦିବସ ଥିବାରୁ ପୋଲିସ ପ୍ରଶାସନ ଯାତ୍ରୀ ମାନଙ୍କ ସୁରକ୍ଷାରେ ଅବହେଳା କରିଛି ବୋଲି କୁହାଯାଇଛି |
