କନ୍ଧମାଳ,କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ବଜାରରେ ସ୍କର୍ପିଓ ଧକ୍କାରେ ଜଣେ ସଫେଇ କର୍ମଚାରୀଙ୍କ ମୃତ୍ୟୁ ଘଟିଛି । ମୃତକଙ୍କ ନାମ ତାନବୁରୁ ନାୟକ (୫୫) । ସମ୍ପୃକ୍ତ ସଫେଇ କର୍ମଚାରୀ ଜଣକ ଆଜି ଭୋର୍ ପ୍ରାୟ ୫ଟା ସମୟରେ ରାସ୍ତା କଡ଼ରେ ସଫେଇ କାର୍ଯ୍ୟ କରୁଥିବା ବେଳେ ଦୃତ ଗତିରେ ଆସୁଥିବା ଏହି ସ୍କର୍ପିଓଟି ତାଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ଖବର ପାଇ ତୁମୁଡ଼ିବନ୍ଧ ଥାନା ପୋଲିସ ସେଠାରେ ପହଂଚି ମୃତକଙ୍କ ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ଦୁର୍ଘଟଣା ଘଟାଇଥିବା ସ୍କର୍ପିଓକୁ ଜବତ କରିବା ସହ ଗାଡିର ଡ଼୍ରାଇଭର ଓ ଯାତ୍ରୀଙ୍କୁ ଅଟକ ରଖି ପଚରା ଉଚୁରା ଚଳାଇଛି । ଏ ସଂକ୍ରାନ୍ତରେ ଥାନା ପକ୍ଷରୁ ଏକ ମାମଲା ରୁଜ୍ଜୁ ହୋଇଛି ।
