ବଲାଙ୍ଗିର, ରତନପୁର ଗ୍ରାମ ନିକଟରେ ଗତ ୨୨ ତାରିଖ ଅପରାହ୍ନ ସାଢେ ୫ଟା ସମୟରେ ଦେଓଗାଁ ରେଞ୍ଜ ର କର୍ମଚାରୀମାନେ ଚଢଉ କରି ପାଞ୍ଚଟି ଶାଗୁଆନ ଗଣ୍ଡି, ଆଠଟି ଶାଗୁଆନ ପ୍ଳାଙ୍କ, ନଅଟି ଶାଗୁଆନ ବୋର୍ଡ ଏବଂ ଗୋଟିଏ ଆଂଶିକ ନିର୍ମିତ କାଠ ପଲଙ୍କ ଜବତ କରିଥିଲେ। ଜବତ ସାମଗ୍ରୀକୁ ରେଞ୍ଜ ଅଫିସ୍ କ୍ୟାମ୍ପସକୁ ଅଣାଯାଇଥିଲା। ଅଭିଯୁକ୍ତ ଘଟଣାସ୍ଥଳରୁ ପଳାଇ ଯାଇଥିଲେ। ବିଭାଗ ପକ୍ଷରୁ ଏନେଇ ଅଧିକ ଅନୁସନ୍ଧାନ ଚାଲିଛି।
ଏସିଏଫ୍ ଜିତେନ୍ଦ୍ର ସାହୁଙ୍କ ନିର୍ଦ୍ଦେଶରେ ବନ ବିଭାଗର ବ୍ୟାସଦେବ ସାହୁ; ଫରେଷ୍ଟର ବିପିନ ବିହାରୀ ଭୋଇ, ଫରେଷ୍ଟ ଗାର୍ଡ ଆଲୋକ କୁମାର ମାଝୀ, ରେଞ୍ଜ ଅଧିକାରୀ ଏବଂ ବିଭାଗୀୟ ମୋବାଇଲ୍ କର୍ମଚାରୀଙ୍କ ଦ୍ଵାରା ଏହି ଚଢ଼ଉ କରାଯାଇଥିଲା।
